ગીર સોમનાથ જિલ્લાના મીતીયાજ ગામે વાડી વિસ્તારમાં મોડી રાત્રે ત્રણ સિંહોની લટાર જોવા મળી હતી. શિકારની શોધમાં નીકળેલા ત્રણ સિંહો ગામની એક નોનવેજ લૉજ પર પહોંચી ગયા હતા. અહીં લૉજમાં બાંધેલા શ્વાનને જોઈને સિંહોએ તેનો શિકાર કરવાનો પ્રયાસ કર્યો હતો. જોકે, લૉજમાં શ્વાનને પાંજરામાં પૂરવામાં આવ્યા હોવાથી સિંહો તેનો શિકાર કરવામાં નિષ્ફળ રહ્યા હતા. લાંબા પ્રયાસ બાદ શિકાર કર્યા વિના જ ત્રણેય સિંહો ત્યાંથી પરત ફર્યા હતા. આ સમગ્ર ઘટના લૉજમાં લગાવવામાં આવેલા CCTV કેમેરામાં કેદ થઈ હતી. સિંહોની લટાર અને શિકારના પ્રયાસના દૃશ્યો હાલ ચર્ચાનો વિષય બન્યા છે.
