ભારત હવે અમેરિકા પછી વિશ્વનો બીજો સૌથી મોટો રોડ નેટવર્ક ધરાવતો દેશ બની ગયો છે. ભારતે આ રેકોર્ડમાં હરીફ ચીનને પણ પાછળ પાડીને, તેની પાસેથી બીજા નંબરનો ક્રમાંક છીનવી લીધો છે. રોડ ટ્રાન્સપોર્ટ મિનિસ્ટર નીતિન ગડકરીએ મંગળવારે એક પ્રેસ કોન્ફરન્સમાં આ માહિતી આપી હતી. તેમણે કહ્યું છે કે 2014થી ભારતે મહત્તમ રોડ નેટવર્કના મામલે ચીનને પાછળ છોડી દીધું છે અને છેલ્લા 9 વર્ષમાં દેશમાં 1.45 લાખ કિલોમીટરના રસ્તાઓ બનાવવામાં આવ્યા છે.