દેવભૂમિ દ્વારકા જિલ્લાના બેટ દ્વારકાના સમુદ્રમાં ભારત સરકારના આર્કિયોલોજી વિભાગની મરીન ટીમ દ્વારા હાથ ધરાયેલા અંડરવોટર સર્ચ ઓપરેશનમાં અત્યંત મહત્ત્વપૂર્ણ પુરાતત્વીય અવશેષો મળી આવ્યા છે. આ શોધના કારણે દ્વારકાના ઐતિહાસિક, પુરાતત્વીય અને સાંસ્કૃતિક ઈતિહાસની માહિતી મળી.સમુદ્રના તળિયેથી સુનિયોજીત પ્રાચિન નગર મળ્યુ. આ ઉપરાંત વિશાળ બાંધકામના અવશેષો જોવા મળ્યા.જે આશરે સવા 2 હજાર વર્ષ જૂના છે. તો સાથે સુવ્યવસ્થિત માળખા અને ગલીઓ જેવી રચના જોવા મળી. સાથે રોમન સિક્કાઓ પણ મળી આવ્યા..જેના આધારે ખ્યાલ આવ્યો કે દ્વારકાનો ઈતિહાસ કેટલો પ્રાચિન અને સાંસ્કૃતિક સમૃદ્ધ હતુ. દ્વારકા અને બેટદ્વારકાના ઈતિહાસનો પ્રાચીન સાહિત્યમાં ખૂબજ ઉલ્લેખ રહ્યો છે. જેના કારણે દ્વારકા અને બેટદ્વારકા ઐતિહાસિક, પુરાતત્વીય અને સાંસ્કૃતિક દ્રશ્ટિકોણથી મહત્વપૂર્ણ રહ્યું છે. આ માટે જ ભૂતકાળમાં પણ ઇતિહાસકારો અને પુરાતત્વવિદો દ્વારા દ્વારકાની શોધ અને સંશોધન કરવામાં આવ્યું છે.અને હાલ ભારતીય પુરાતત્વ સર્વેક્ષણની અંડર વોટર આર્કિયોલીજી વિંગ દ્વારા પણ સંશોધન હાથ ધરવામાં આવ્યું હતુ. પરંતુ હાલ ગરમીના કારણે સંશોધન બંધ કરવામાં આવ્યું. અને હવે ફરી નવેમ્બરમાં સંશોધન હાથ ધરવામાં આવશે.
