અદાણી CNGમાં પ્રતિ કિલો રૂ. 2.24નો ભાવ વધારો કરાયો છે. આ ભાવ વધારા સાથે અમદાવાદમાં ભાવ પ્રતિ કિલોએ રૂ. 86.1 પહોંચ્યો છે. આ પહેલા 4 એપ્રિલે પણ અદાણી CNGમાં દોઢ રૂપિયાનો વધારો થયો હતો.. છેલ્લા દોઢ મહિનામાં અદાણી CNGમાં 3.50 રૂપિયાનો વધારો કરાયો છે. જેને લઈને હવે રીક્ષા ચાલકો ભાડામાં વધારો કરવાની માગ કરી રહ્યા છે. CNGમાં ભાવ વધારો થતાં રીક્ષા ચાલકોનો રોષ સાતમા આસમાને પહોંચ્યો છે. આ ભાવવધારોની રાજ્યના 5 લાખ રીક્ષા ચાલકો પર અસર પડી છે. વધતાં ભાવના લીધે રીક્ષા ચાલકોની હાલત કફોડી થઈ હોવાનો દાવો છે. રીક્ષા ચાલકોએ CNGનો ભાવ વધારો પરત ખેંચવા માગ કરી છે. બીજી તરફ ભાડા વધારાની રજૂઆત વિચારણા હેઠળ છે. જો ભાડામાં વધારો થશે તો મુસાફરોને મોંઘવારીનો માર સહન કરવાનો વારો આવશે.
