Rajkot : ખુલ્લેઆમ દેશી દારૂના વેપારનો Video આવ્યો સામે, શાકભાજીની જેમ બિન્દાસ્ત ખરીદી રહ્યા છે દેશી દારૂ !
Rajkot :ગુજરાતમાં દારૂ બંધી છે, પરંતુ તેની અમલવારીને લઈને હંમેશા સવાલો ઊભા થતાં આવ્યા છે. અવારનવાર મોટા પ્રમાણમાં દેશી-વિદેશી દારૂના જથ્થા પોલીસ દ્વારા ઝડપી પાડવામાં આવતા હોય છે.
Rajkot: ગુજરાતમાં દારૂબંધીના કાયદા જાણે માત્ર કાગળ પર જે છે તે વધુ એક વાર સાબિત થઈ રહ્યું છે. કારણ કે રાજકોટના સમાકાંઠા વિસ્તારનો એક વીડિયો સામે આવ્યો છે. જેમાં એક શખ્શ ખુલ્લેઆમ દારૂનો વેપાર કરી રહ્યો છે અને ગ્રાહકો પણ બિન્દાસ્ત કોઈ પણ જાતના ડર વગર જાણે શાકભાજીની ખરીદી કરી રહ્યા હોય તેમ દેશી દારૂની પોટલીઓ ખરીદી રહ્યા છે.
આમ તો ગુજરાતમાં દારૂ બંધી છે, પરંતુ તેની અમલવારીને લઈને હંમેશા સવાલો ઊભા થતાં આવ્યા છે. અવારનવાર મોટા પ્રમાણમાં દેશી-વિદેશી દારૂના જથ્થા પોલીસ દ્વારા ઝડપી પાડવામાં આવતા હોય છે. પરંતુ જ્યારે આવા દ્રશ્યો સામે આવે ત્યારે દારૂબંધીના કાયદાની અમલવારીને લઈને અનેક સવાલો ઊભા થાય છે.
વીડિયોમાં જોઈ શકાય છે તે રીતે દારૂનો વેપાર કરતો શખ્શ અને ત્યાં દેશી દારૂ લેવા આવતા ગ્રાહકોને જાણે કોઈ પણ પ્રકારનો ડર નથી, તે રીતે બિન્દાસ્ત વેપાર થઈ રહ્યો છે. ઉલ્લેખનીય છે કે અગાઉ પણ આ રીતે દારૂ બંધીના કાયદાને પોકળ સાબિત કરતાં દ્રશ્યો અનેક જગ્યાએથી સામે આવી ચૂક્યા છે.
આ પણ વાંચો : Rajkot AIIMS: રાજકોટ સહિત સૌરાષ્ટ્રના આરોગ્ય માટે મહત્વના સમાચાર, રાજકોટ એઈમ્સમાં ડિસેમ્બર સુધીમાં OPD શરૂ થઈ શકે છે