રસ્તામાં તરસતી ખિસકોલીને એક વ્યક્તિએ પીવડાવ્યું પાણી, હૃદય સ્પર્શી વીડિયો થયો વાયરલ
આ અદ્ભુત વીડિયો IFS ઓફિસર સુસાંતા નંદાએ તેમના ટ્વિટર પર શેયર કર્યો છે અને કેપ્શનમાં લખ્યું છે કે, આવી જ દયા તમે પણ બતાવો, એવી અપેક્ષા રાખ્યા વિના કે એક દિવસ કોઈ તમારા માટે આવું જ કરી શકે.
કોઈને પાણી આપવું એ ખૂબ જ પવિત્ર કાર્ય છે. આ વાત આપણે બાળપણથી સાંભળતા આવ્યા છીએ. જો કે કેટલાક લોકો તેને અનુસરે છે અને કેટલાક લોકો તેની અવગણના કરે છે, પરંતુ જો તમે એક માણસ તરીકે વિચારો છો, તો તે કેટલું સારું છે કે તમે કોઈ જરૂરિયાતમંદની મદદ કરી રહ્યાં છો. આ રીતે લોકો એકબીજા માટે કામ કરે છે. તમે સોશિયલ મીડિયા(Social Media) પર આવા વીડિયો જોયા જ હશે, જેમાં લોકો જરૂરિયાતમંદોને ભોજન કરાવે છે, પાણી પીવડાવે છે. ઘણા લોકો પ્રાણીઓને પાણી આપતા પણ જોવા મળે છે. આવો જ એક વીડિયો આજકાલ સોશિયલ મીડિયા પર ખૂબ વાયરલ (Viral Video) થઈ રહ્યો છે. જેમાં એક વ્યક્તિ ખિસકોલીને (Squirrel) પાણી આપતો જોવા મળી રહ્યો છે. આ અદ્ભુત વીડિયો લોકોના દિલને સ્પર્શી ગયો છે.
તમે ખિસકોલીઓ જોઈ હશે. તેઓ ખૂબ જ ચપળ હોય છે. ઝડપથી ઝાડ પર ચઢી જાય છે. તેમ છતાં તેમનું નિવાસસ્થાન માત્ર વૃક્ષો છે. વાયરલ વીડિયોમાં તમે જોઈ શકો છો કે વ્યક્તિ કેવી રીતે ખિસકોલીને પાણી આપી રહ્યો છે. જે રીતે મનુષ્ય બોટલમાં મોં નાખીને પાણી પીવે છે, તેવી જ રીતે ખિસકોલી પણ બોટલમાં મોં નાખીને પાણી પીવા લાગે છે. તે ખૂબ જ તરસ્યો લાગે છે. બોટલ છૂટવાનું નામ જ નથી લઈ રહી, પાણી પીવાનું ચાલુ જ છે. આમાં વ્યક્તિની માનવતા જોવા જેવી છે કે તે કેવી રીતે ખિસકોલીને પાણી આપી રહ્યો છે. એ વ્યક્તિના વખાણ કરીએ તેટલા ઓછા છે.
જૂઓ આ અદ્ભૂત વીડિયો…
Carry out a random act of kindness, with no expectation that one day someone might do the same for you… 🎬 ikecatcher pic.twitter.com/lvPQHAtoFd
— Susanta Nanda IFS (@susantananda3) March 19, 2022
આ અદ્ભુત વીડિયો IFS ઓફિસર સુસાંતા નંદાએ તેમના ટ્વિટર પર શેયર કર્યો છે અને કેપ્શનમાં લખ્યું છે કે, આવી જ દયા તમે પણ બતાવો, એવી અપેક્ષા રાખ્યા વિના કે એક દિવસ કોઈ તમારા માટે આવું જ કરી શકે. 14 સેકન્ડના આ વીડિયોને અત્યાર સુધીમાં 54 હજારથી વધુ વખત જોવામાં આવ્યો છે. જ્યારે 4 હજારથી વધુ લોકોએ વીડિયોને લાઈક પણ કર્યો છે.
લોકોએ વીડિયો જોયા પછી વિવિધ પ્રકારની પ્રતિક્રિયાઓ આપી છે. એક યુઝરે લખ્યું છે કે, ‘આ ખૂબ જ ક્યૂટ સીન છે’, જ્યારે બીજા યુઝરે લખ્યું છે કે સહાનુભૂતિ અને દયાની દરેક વસ્તુ કરતાં મોટી હોય છે. તેવી જ રીતે અન્ય એક યુઝરે લખ્યું છે કે, કર્મ કરો, ફળની ઈચ્છા ન રાખો.
આ પણ વાંચો: Video : બાપ રે ! આ ખિસકોલી તો સાપને પહોંચી ગઈ, સાપ અને ખિસકોલીની ભીષણ લડાઈનો વીડિયો ઈન્ટરનેટ પર વાયરલ
આ પણ વાંચો: ગજબ ! આ ખિસકોલી ફોલો કરી રહી છે તેના માલિકના ઇન્સટ્રક્શન, Video જોઈને તમને પણ આશ્વર્ય થશે