panchmahal : રેમડેસિવિર ઇન્જેક્શન અને ઓક્સિજનનો જથ્થો ન હોવાની ફરિયાદો ઉઠી, તંત્રનો સબ સલામતનો દાવો

panchmahal જિલ્લામાં દિન પ્રતિદિન વધતા કેસ સામે રેમડેસિવિર ઇન્જેક્શન અને ઓક્સિજનનો જથ્થો પૂરતા પ્રમાણમાં ન હોવાની ફરિયાદો ઉઠી છે.

  • Tv9 Webdesk18
  • Published On - 19:50 PM, 13 Apr 2021

panchmahal જિલ્લામાં દિન પ્રતિદિન વધતા કેસ સામે રેમડેસિવિર ઇન્જેક્શન અને ઓક્સિજનનો જથ્થો પૂરતા પ્રમાણમાં ન હોવાની ફરિયાદો ઉઠી છે. ખાનગી કોવિડ-19 હોસ્પિટલના તબીબોનો આક્ષેપ છે કે, પંચમહાલની ખાનગી કોવિડ હોસ્પિટલોને ગોધરા ખાતેથી પડતર કિંમતે રેમડેસિવિર ઇન્જેક્શન મળશે તેવી સરકારે જાહેરાત કરી હતી, પરંતુ આવી કોઇ જ વ્યવસ્થા નથી કરવામાં આવી. જેના કારણે ખાનગી હોસ્પિટલના સંચાલકોને રેમડેસિવિર ઇન્જેક્શન માટે વડોદરા અને અમદાવાદ જેવા શહેરો પર ઉંચા ભાવ આપી નિર્ભર રહેવું પડે છે.

 

તો આ તરફ સ્થાનિક વહીવટી તંત્રનો દાવો છે કે, કોવિડ હોસ્પિટલોમાં બેડ, રેમડેસિવિર ઇન્જેક્શન અને ઓક્સિજનનો પૂરતી માત્રામાં જથ્થો ઉપલબ્ધ છે. તથા જરૂરિયામંદ તમામ દર્દીઓને મેડિકલ સેવાઓ પૂરી પાડવામાં આવી રહી છે.