મુંબઈ પોલીસે Tom and Jerry નો આ વીડિયો શેર કરીને લોકોને કરી અપીલ, જોઇને તમે પણ ખુશ થઇ જશો
ગયા વર્ષે કોવિડ -19 મહામારીની શરૂઆત થઈ ત્યારથી મુંબઈ પોલીસની સોશ્યલ મીડિયા ટીમ ઇન્ટરનેટ પર વધુ સક્રિય થઈ ગઈ છે. આ રોગચાળો ટાળવા માટે તે લોકોને ફેસ માસ્ક પહેરવાનું અને ઘરે રોકાવાનું મહત્ત્વ યાદ અપાવવા માટે સતત પોસ્ટ્સ શેર કરી રહી છે. ટ્વિટર પર તેની તાજેતરની પોસ્ટમાં મુંબઇ પોલીસે ટોમ એન્ડ જેરી (Tom and Jerry) […]
ગયા વર્ષે કોવિડ -19 મહામારીની શરૂઆત થઈ ત્યારથી મુંબઈ પોલીસની સોશ્યલ મીડિયા ટીમ ઇન્ટરનેટ પર વધુ સક્રિય થઈ ગઈ છે. આ રોગચાળો ટાળવા માટે તે લોકોને ફેસ માસ્ક પહેરવાનું અને ઘરે રોકાવાનું મહત્ત્વ યાદ અપાવવા માટે સતત પોસ્ટ્સ શેર કરી રહી છે.
ટ્વિટર પર તેની તાજેતરની પોસ્ટમાં મુંબઇ પોલીસે ટોમ એન્ડ જેરી (Tom and Jerry) કાર્ટૂનની એક રમુજી ક્લિપ શેર કરીને માસ્ક પહેરવા અને ઘરે રહેવા વિશે જાગૃતિ ફેલાવવા પ્રયાસ કર્યો છે. આ વીડિયો હવે સોશિયલ મીડિયા પ્લેટફોર્મ પર વાયરલ થયો છે. વીડિયોમાં બતાવવામાં આવ્યું છે કે ટોમે જેરીને કોઈ કારણ વગર ઘરની બહાર જતા અટકાવ્યું છે. અહીં, ટોમને પોલીસની રીતે બતાવવામાં આવે છે, જે લોકોને જાગ્રત રહેવાનું અને કોવિડ -19 ના ફેલાવાને રોકવા માટે જરૂરી માર્ગદર્શિકાઓનું પાલન કરવાનું યાદ અપાવે છે.
Please don’t go out without a cause or a mask on your face…let’s not make it a cat and mouse chase
We really don’t like ‘Tom-Tomming’ about the consequences #MasksNecessaryJerry#WhatsTheHurryJerry#TakingOnCorona#MaskIsMust pic.twitter.com/Qp3lGu8ZPV
— Mumbai Police (@MumbaiPolice) May 7, 2021
પોલીસે વીડિયોને કેપ્શન આપ્યું છે કે, “કૃપા કરીને કારણ વગર અથવા તમારા ચહેરા પર માસ્ક લગાડ્યા વિના બહાર ન જશો.” લોકો આ વીડિયોને ખૂબ જ એન્જોય કરી રહ્યા છે આ વીડિયોને અત્યાર સુધીમાં 4 હજારથી વધુ વખત જોવામાં આવી ચૂક્યો છે લોકો આ વીડિયો પર ફની ટિપ્પણી પણ કરી રહ્યા છે.
કોરોનાવાયરસની બીજી લહેરે દેશના દરેક ખૂણામાં ગંભીર પરિસ્થિતિ ઉભી કરી છે. શુક્રવારે સવારે કેન્દ્રીય આરોગ્ય મંત્રાલયે જારી કરેલા આંકડા મુજબ ભારતમાં છેલ્લા 24 કલાકમાં 3,915 મૃત્યુ અને 4.14 લાખથી વધુ કોવિડ -19 કેસ આવ્યા છે. મહારાષ્ટ્ર, કર્ણાટક, કેરળ, ઉત્તર પ્રદેશ અને તમિલનાડુ મહત્તમ સંખ્યાના કેસ ધરાવતા પ્રથમ પાંચ રાજ્યોમાં સામેલ છે.
આ પણ વાંચો: કોરોનાથી રીકવર થયા બાદ બદલી દો આ વસ્તુ, નહીંતર ફરીથી થઇ શકો છો કોરોનાના શિકાર
આ પણ વાંચો: સુપ્રીમે કહ્યું ‘મુંબઈ મોડલ’થી શીખો: BMC કમિશનરે શેર કર્યો એવો કિસ્સો કે જાણીને હેરાન રહી જશો