Local Body Poll 2021: Facebookની એક પોસ્ટે રાજકારણ ગરમાવ્યું, વલસાડ પારડીના ભાજપમાં કકળાટનાં ઘર

Local Body Poll 2021 : Valsad જિલ્લામાં ભાજપમાં કકળાટ શરૂ થયો છે. પાર્ટીએ જ્ઞાતિ સમીકરણની રાજનીતિ આગળ રાખતા, પારડી તાલુકા પંચાયતના માજી કારોબારી ચેરમન બચુ પટેલ અને તેમના સમર્થકોએ નારાજગી દર્શાવી છે અને અપક્ષ ઉમેદવારી નોંધાવવાની જાહેર કરી છે. પારડી તાલુકા પંચાયતની ઉમરસાડી બેઠક પર બચુ પટેલે ભાજપ પાસે ટિકિટની માગણી કરી હતી. જોકે ભાજપે બચુ પટેલ કે તેમના પુત્રને ટિકિટ આપવાને બદલે આઈટી સેલના કન્વીનર ધ્રુવીન દેસાઈને સંભવિત ઉમેદવાર તરીકે જાહેર કરવાની ફેસબૂક પોસ્ટ શેર કરતા જ રાજકીય ગરમાવો હવે શરૂ થયો છે. જે ભાજપનું રાજકીય સમીકરણ બગાડી શકે છે.