Bhavnagar : જીતુ વાઘાણીની જીભ લપસી, સી.આર.પાટીલની હાજરીમાં જ આર.સી. ફળદુને પ્રદેશ પ્રમુખ ગણાવ્યા

Bhavnagar :  ભાજપના નેતા જીતુ વાઘાણીએ સીઆર પાટીલની જગ્યાએ આર.સી.ફળદુને ભાજપના પ્રદેશ અધ્યક્ષ બનાવી દીધા. રાજ્યમાં સ્થાનિક સ્વરાજની ચૂંટણીનો માહોલ ગરમાયો છે.ઠેર-ઠેર ભાજપ-કૉંગ્રેસની સભાઓ થવા લાગી છે.. તેવામાં હવે જીભ લપસવાની મૌસમે પણ જોર પકડ્યું છે. શરૂઆત ભાજપના પૂર્વ પ્રદેશ અધ્યક્ષ જીતુ વાઘાણીથી થઈ છે.. ભાવનગરમાં ગઈકાલે રાત્રે ભાજપની સભા હતી. તે દરમિયાન જીતુ વાઘાણી મંચ પર ભાષણ આપવા ઉભા થયા.. તેઓ શરૂઆતમાં પરિચય આપીને નેતાઓનું સ્વાગત કરી રહ્યા હતા. તે દરમિયાન ભાજપના પ્રદેશ અધ્યક્ષ સી.આર. પાટીલની ઉપસ્થિતિમાં જ જીતુ વાઘાણીએ આર.સી. ફળદુને ભાજપના પ્રદેશ અધ્યક્ષ કહેતા સૌ કોઈ અચંબામાં મૂકાઈ ગયા હતા. જેમાં  ખુદ સી.આર. પાટીલના ચહેરાનો ભાવ પણ બદલાઈ ગયો હતો. જોકે હજુ એવી કોઈ સ્પષ્ટતા નથી થઈ કે જીતુ વાઘાણીની જીભ લપસી હતી કે પછી તેમણે જાણી જોઈને જ આવી ભૂલ કરી હતી