MONEY9: શું તમારો વીમો પર્યાપ્ત છે? કેવી રીતે કરશો ગણતરી?

નવા વર્ષની શરૂઆતમાં પોતાના હેલ્થ અને લાઇફ ઇન્સ્યોરન્સ પર ફરીથી નજર નાંખો. વર્ષમાં એકવાર જરૂર ચેક કરો કે તમારા વીમાનું કવર તમારી જરૂરીયાતો માટે પર્યાપ્ત છે કે નહીં? આ વીડિયોમાં સમજો વીમાનો રિવ્યૂ કરતી વખતે કઇ વાતોનું ધ્યાન રાખશો

Divyesh Nagar

| Edited By: Pinak Shukla

Jul 06, 2022 | 4:49 PM

MONEY9: નવા વર્ષની શરૂઆતમાં પોતાના હેલ્થ અને લાઇફ ઇન્સ્યોરન્સ (INSURANCE) પર ફરીથી નજર નાંખો. વર્ષમાં એકવાર જરૂર ચેક કરો (REVIEW) કે તમારા વીમાનું કવર તમારી જરૂરીયાતો માટે પર્યાપ્ત છે કે નહીં?

આપણે આ વાત અનુરાગ મોહંતીના ઉદાહરણથી સમજીએ.

આમને મળો આ છે અનુરાગ મોહંતી. પહેલી નોકરી લાગતા જ અનુરાગે 50 લાખ રૂપિયાનો ટર્મ ઇન્સ્યૉરન્સ ખરીદી લીધો. આ વીમો તેમણે ત્યારે ખરીદ્યો જ્યારે તેઓ સિંગલ હતા. હવે શ્રીમતી મોહંતી અને બેટી પીહૂ પણ સાથે છે. હોમ લોનની ઇએમઆઇ વધતી રહી..પુત્રી પણ સ્કૂલ જવા લાગી એટલે કે પરિવાર અને જવાબદારીઓ તો વધી પરંતુ ન વધ્યું વીમાનું કવર.

વીમાનો પહેલો નિયમ એ છે કે જેમ-જેમ જવાબદારીઓ વધે તેમ તેમ વીમાનું કવર વધારતા રહો.

અનુરાગ એકલા નથી. એવા ઘણાં લોકો છે જે વીમો ખરીદીને તેને ભુલી જાય છે. સમયાંતરે તેનો રિવ્યૂ નથી કરતા. દરેક નવા નાણાકીય વર્ષની શરૂઆતમાં પોતાના પોર્ટફોલિયોમાં રહેલા જીવન વીમા અને સ્વાસ્થ્ય વીમાની સમીક્ષા જરૂર કરવી જોઇએ.

કેવી રીતે કરશો રિવ્યૂ?

સૌથી પહેલા એ જુઓ કે હાલની જવાબદારીઓના રેશિયોમાં વીમાનું કવર છે કે નહીં? એ પણ જુઓ કે તમારો વીમો હાલની લાઇફસ્ટાઇલ અને જરૂરિયાતના હિસાબે છે કે નહીં. આ રીતે સમજો કે જો તમારુ બેઝિક ટર્મ પ્લાન કવર 50 લાખ રૂપિયાનું છે અને તમે હાલમાં જ માતા કે પિતા બન્યા છો તો હવે તમારે આ કવરને વધારીને 1 કરોડ રૂપિયા સુધી કરવા અંગે વિચારવું જોઇએ. જેથી તમે તમારા પરિવારને વધારે પ્રોટેક્શન આપી શકો.

નિષ્ણાતનો મત

PolicyX.comના ફાઉન્ડર અને CEO નવલ ગોયલ કહે છે કે ઇન્સ્યોરન્સને રિવ્યૂ કરતી વખતે ત્રણ મુદ્દાઓનો વિચાર કરવો ઘણો જરૂરી છે. પહેલા પોતાની બધી લોનની ગણતરી કરવી જોઇએ. બીજું, કેટલા લોકો તમારી આવક પર આશ્રિત છે અને ત્રીજું, મોંઘવારીના હિસાબે તમારા કવરની જે સાઇઝ છે આવનારા વર્ષોમાં પૂરતી હશે કે નહીં.

એક નિયમ એવો પણ છે કે તમારા જીવન વીમાના સમ એશ્યોર્ડની સાઇઝ તમારી વાર્ષિક કમાણીના 10થી 12 ગણી હોવી જોઇએ. જીવન વીમો એવી પ્રોડ્કટ છે જેનો સમ એશ્યોર્ડ ફિક્સડ રહે છે. તમે તેને ન વધારી શકો, ન કોઇ ટોપ અપ લઇ શકો. જો વીમાનો આકાર વધારવો છે તો નવો વીમો જ ખરીદવો પડશે. તમે તમારી જરૂરિયાતના હિસાબે બે કંપનીનો જીવન વીમો લઇ શકો છો. પરંતુ ધ્યાન રાખો, બન્ને મળીને સમ એશ્યોર્ડની રકમ તમારી કમાણી અને જોખમના રેશિયોમાં હોય.

સ્વાસ્થ્ય વીમાનો રિવ્યૂ કેવી રીતે  કરશો

ધ્યાન રાખો કોઇ હેલ્થ ઇમરજન્સીમાં જો આની જરૂર પડે તો તે અપૂરતા ન હોય. એટલે એક નિશ્ચિત વિરામ બાદ આની સમીક્ષા પણ જરૂરી છે. જો તમારી પાસે માત્ર ઇન્ડિવિજ્યુઅલ હેલ્થ પ્લાન છે તો ફેમિલી ફ્લોટર પ્લાન લઇને પૂરા પરિવારને કવર કરો. આ જ રીતે જો તમારી પાસે ઓફિસથી મળનારી ગ્રુપ પૉલિસી છે તો જુઓ કે શું તે મોંઘા હોસ્પિટલાઇઝેશનનો ખર્ચ ઉઠાવી શકશે. કેટલીક અન્ય વાતો પણ ધ્યાનમાં રાખો, જેમકે, જે પ્રીમિયમ પર તમારો વીમો જે સુવિધાઓ આપી રહ્યો છે કે શું તે પ્રીમિયમ પર કોઇ બીજી કંપનીનો વીમો વધુ સુવિધાઓ આપી રહ્યો છે? વર્ષ દરમિયાન તમારા પરિવારની સ્વાસ્થ્ય સંબંધિત ચિંતાઓ વધી છે જેવી કે ડાયાબિટીઝ, બીપી વગેરે.  તમારી હેલ્થ પૉલિસીનું નેટવર્ક હોસ્પિટલોની યાદીમાં તમારા વિસ્તારની હોસ્પિટલ છે કે નહીં?

જો આમાંથી કોઇપણનો જવાબ હા છે તો તમારે તમારી ઇન્સ્યોરન્સ પ્રોડક્ટ પર તરત વિચાર કરવો જોઇએ. નવી પૉલિસી ખરીદી શકો છો કે કોઇ બીજી વીમા કંપનીમાં પોતાની પૉલિસીને પોર્ટ કરી શકો છો. હેલ્થ વીમા કવર પર ટૉપ અપ પ્લાન લઇને પણ તેનું કવર વધારી શકો છો.

મની9ની સલાહ

બચત અને રોકાણથી પણ પહેલાં વીમો જરૂરી છે.

તમારી ઇન્શ્યોરન્સ સંબધિત જરૂરિયાતો હંમેશા એક જેવી નથી રહેતી.

સમયની સાથે, જવાબદારીઓ, આવક અને જોખમ બદલાય છે. એટલે વર્ષમાં એકવાર પોતાની ઇન્સ્યૉરન્સ પૉલિસીની સમીક્ષા અવશ્ય કરો.

અંડર કવર્ડ હોવાની સ્થિતિમાં વીમા કવરને વધારો.

Follow us on

Click on your DTH Provider to Add TV9 Gujarati