સુરતનાં રાંદેર ઝોનમાં પાણીનાં પ્રશ્નને લઇને મહિલાઓ નારાજ, થાળી વગાડી કર્યો વિરોધ

સુરતનાં રાંદેર ઝોનમાં આવેલા સિદ્ધિ વિનાયક હાઇટ્સના રહીશો વિરોધ કરી રહ્યા છે. આ વિરોધ પાણીના પ્રશ્નના લીધે થઈ રહ્યો છે.આ વિસ્તારના લોકોએ પાણીની લાઈનને લઈ થાળી વેલણ વગાડી વિરોધ દર્શાવ્યો હતો. આ વિસ્તારના લોકો દ્વારા પાણીનાં પ્રશ્નને લઈને ઘણી વખત રજુઆત કરવામાં આવી છે. પરંતુ પ્રશ્ન હજુ પણ ઉકેલાયો નથી.

220 ફ્લેટ હોલ્ડર દ્વારા રાંદેર ઝોનમાં હોબાળો કરવામાં આવ્યો હતો. આ લોકો છેલ્લા 6 મહીનાથી પાણીના પ્રેશરને લઈને કરી રહ્યા છે રજુઆત, પણ તંત્ર દ્વારા કોઈ પણ જાતનો ઉકેલ લાવવામાં આવતો નથી.લોકો દ્વારા ઓનલાઈન ફરીયાદ પણ કરવામાં આવી હતી. પરંતુ લોકો દ્વારા કહેવામાં આવી રહ્યું છે કે અધિકારીઓ તેમની સાથે ખો- ખો રમી રહ્યા છે. લોકો ઈચ્છે છે કે તેમનો પ્રશ્ન જલ્દીથી ઉકેલવામાં આવે.