valsad : નારગોલ મરીન પોલીસ સ્ટેશનમાં આરોપીનો ગળે ફાંસો ખાઇ આપઘાત
ઉમરગામ તાલુકાના નારગોલમાં ગત મોડી રાત્રે લૂંટારુ ગેંગના સભ્યો એક બંગલોની રેકી કરી. અને લૂંટની ઘટનાને અંજામ આપવા નીકળ્યા હતા.
valsad : ઉમરગામ તાલુકાના નારગોલમાં ગત મોડી રાત્રે લૂંટારુ ગેંગના સભ્યો એક બંગલોની રેકી કરી. અને લૂંટની ઘટનાને અંજામ આપવા નીકળ્યા હતા. જોકે વલસાડ જિલ્લા પોલીસની ટીમે કારમાં નીકળેલી આ લૂંટારુ ગેંગને પડકારી હતી. આથી મોકાનો લાભ લઇ અન્ય આરોપીઓ ફરાર થઈ ગયા હતા. પરંતુ બે આરોપીઓ પોલીસના હાથે ઝડપાઇ ગયા હતા. ઝડપાયેલા આરોપીઓને પોલીસ સ્ટેશનમાં રાખી ફરાર થઈ ગયેલા આરોપીઓની તપાસમાં પોલીસ નીકળી હતી.
એ દરમિયાન જ પોલીસના હાથે ઝડપાયેલ આરોપી નિતીન ઉરડેએ બાથરૂમમાં જવાના બહાને બાથરૂમની અંદર જઈ પોતાના જ પેન્ટ વડે ગળેફાંસો ખાઈ આપઘાત કરી લીધો હતો. આ ઝડપાયાના ગણતરીના કલાકોમાં જ આરોપીએ પોલીસ સ્ટેશનના બાથરૂમમાં જ ગળેફાંસો ખાઈ આપઘાત કરી લેતા મામલતદાર અને પોલીસના ઉચ્ચ અધિકારીઓ પોલીસ સ્ટેશન દોડી ગયા હતા. પોલીસે આરોપીઓ વિરુદ્ધ લૂંટના પ્રયાસ સહિતના ગુનાઓ હેઠળ ફરિયાદ નોંધી હતી.