વડોદરા વીડિયો : નંદેસરીમાં સ્ટેટ મોનિટરિંગ સેલના દરોડા, વિદેશી દારુનો જથ્થો કરાયો જપ્ત

રાજ્યમાં નશાકારક પદાર્થ પર પ્રતિબંધ હોવા છતા અવારનવાર નશાકારક પદાર્થ ઝડપાતા હોય છે. ત્યારે ફરી એક વાર વડોદરામાંથી વિદેશી દારુની બોટલનો જથ્થો ઝડપાયો છે. વડોદરાના નંદેસરીમાં સ્ટેટ મોનિટરિંગ સેલના દરોડા પડ્યા હતા. જ્યાં 496 જેટલી વિદેશી દારુની બોટલો સાથે 3 લોકોને ઝડપી પાડ્યા છે.

તેમજ નંદેસરી ગામના માજી સરપંચના ફાર્મહાઉસમાં દારુનો જથ્થો રખાતો હોવાનું સામે આવ્યુ છે. આ ઉપરાંત માજી સરપંચનો ભાગીદાર અમજદ શેખ પણ વોન્ટેડ હોવાનું સામે આવી રહ્યુ છે. દરોડામાં પોલીસે વિદેશી દારુની 496 બોટલ અને રોકડ સહિત 1.35 લાખથી વધુનો મુદ્દામાલ જપ્ત કર્યો છે.

બીજી તરફ દેવભૂમિ દ્વારકામાં બરડા ડુંગરમાંથી બે દારૂની ભઠ્ઠીઓ ઝડપાઈ હતી. ભાણવડ પોલીસે ડુંગર વિસ્તારમાં રેડ પાડતા 2 હજાર લીટર દેશી દારૂમાં ઉપયોગમાં લેવાતો કાચો આથો અને 500 લીટર દેશી દારૂ બનાવાનો અન્ય મુદ્દામાલ મળી આવ્યો હતો. હાલ તો રેડ પડતા 2 આરોપી ફરાર થઈ ગયા છે તો બીજી તરફ પોલીસે ફરાર આરોપી વિરૂદ્ધ ગુનો નોંધી આગળની તપાસ શરૂ કર્યો હતો.