Surat ના લીંબાયત વિસ્તારમાં ટોરેન્ટ પાવરની ટીમ પર પથ્થરમારો કરાયો
સુરતના લિંબાયત વિસ્તારના ટોરેન્ટ પાવરના કર્મચારીઓ દ્વારા કામગીરી કરવામાં આવતી હતી એ દરમ્યાન આ પથ્થરમારાની ઘટના ઘટી હતી.
ગુજરાતના(Gujarat)સુરતના(Surat)લીંબાયત(Limbayat)વિસ્તારમાં ટોરેન્ટ પાવરની(Torrent Power)ટીમ પર પથ્થરમારો (Stone Pelting) કરવામાં આવ્યો હતો . જેમાં લીંબાયત વિસ્તારમાં આવેલ મીઠીખાડી પાસે ટોરેન્ટ પાવરની ટીમ રુટિન ચેકીંગ કરવા માટે ગઈ હતી ત્યારે કામગીરી કરી રહેલા કર્મચારીઓ પર પથ્થરમારો કરવામાં આવ્યો હતો. આ અંગે લીંબાયત પોલીસે ઘટના સ્થાને પહોંચી આગળની તપાસ હાથ ધરી હતી.
સુરતના ટોરેન્ટ પાવર દ્વારા અનેક વિસ્તારોમાં વીજ પૂરવઠો અને તેમાં થતી ચોરીની ફરિયાદનું પણ ચેકિંગ કરવામાં આવતું હોય છે. જેના ભાગરૂપે ટોરેન્ટ પાવરના કર્મચારીઓ અલગ અલગ વિસ્તારમાં ચેકિંગ કરતાં હોય છે. જેના ભાગરૂપે લિંબાયત વિસ્તારના ટોરેન્ટ પાવરના કર્મચારીઓ દ્વારા કામગીરી કરવામાં આવતી હતી એ દરમ્યાન આ પથ્થરમારાની ઘટના ઘટી હતી. જો કે આ ઘટનામાં કેટલા લોકો સામેલ હતા અને કેટલા કર્મચારીઓને ઈજા પહોંચી છે તે અંગે હજુ કોઇ માહિતી સાંપડી હતી .
આ પણ વાંચો: વાપી નગરપાલિકામાં પ્રમુખ-ઉપપ્રમુખની ચૂંટણી યોજાઇ, જાણો કોણ બિનહરીફ ચૂંટાયા ?
આ પણ વાંચો : ગુજરાત હાઇકોર્ટનો મહત્વનો ચુકાદો, પુખ્ત વયના યુવક યુવતીને સહમતિથી સાથે રહેવાનો અધિકાર