Dwarka : સતત બે દિવસથી અવિરત મેઘ વર્ષાથી નીચાણવાળા વિસ્તારોમાં ભરાયા પાણી

ગુજરાતમાં બીજા રાઉન્ડના વરસાદમાં છેલ્લા બે દિવસથી સૌરાષ્ટ્ર અને દક્ષિણ ગુજરાતમાં અનરાધાર મેધમહેર વરસી રહી છે. જેમાં દ્વારકા શહેરમાં 3 ઇંચ વરસાદ નોંધાયો છે. છેલ્લા બે દિવસથી દ્વારકામાં અવિરત મેઘ વર્ષા થતા નીચાણવાળા વિસ્તારોમાં પાણી ભરાયા છે.તો બીજી તરફ રસ્તા પર વરસાદી પાણી ભરાતા વાહનચાલકો પણ પરેશાન થઈ રહ્યા છે.જોકે લાંબા સમયબાદ સારો વરસાદ આવતા ધરતીપુત્રોમાં હરખની હેલી જોવા મળી રહી છે

જેમાં દ્વારકા જિલ્લાના ગ્રામીણ વિસ્તારોમાં પણ સારો એવો વરસાદ પડી રહ્યો છે. તેમજ વરસાદ પડતાં અનેક નદીઓ અને તળાવોમાં પાણી નવા નીરનો ઉમેરો થયો છે. લાંબા સમય પછી રાજ્યમાં વરસાદનું ફરીથી આગમન થયું છે ત્યારે હવામાન વિભાગે આગામી દિવસોમાં સૌરાષ્ટ્રમાં ભારે વરસાદ થશે તેવી આગાહી કરી છે.

હવામાન વિભાગની આ આગાહીને પગલે સરકારના ડિઝાસ્ટર મેનેજમેન્ટ વિભાગે પોરબંદર જિલ્લામાં NDRFની 1 ટુકડી ઉતારી છે… આ ટુકડી કોઈ પણ વરસાદી આફતને પહોંચી વળવા તૈયાર છે. પોરબંદરમાં તૈનાત NDRFની આ ટુકડીમાં 25 જવાન છે. તેમની પાસે પુર હોનારત સમયે ફસાયેલા લોકોને બચાવવા માટે કામમાં લઈ શકાય અને વૃક્ષો કાપી શકાય તેવા સાધનો સહિત સ્પીડ બોટની પણ વ્યવસ્થા છે.

આ પણ વાંચો : Surat : સુરતના હીરા વેપારીઓનું મોટું સપનું ડાયમંડ બુર્સ હવે સાકાર થવા તરફ, ઉદ્ઘાટન માટે પીએમ નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિનને આમંત્રણની હિલચાલ

આ પણ વાંચો : સોલા સિવિલ હોસ્પિટલમાં નવજાત બાળકીના અપહરણની પોલીસે તપાસ હાથ ધરી, પીએનસી વોર્ડના સીસીટીવી બંધ હાલતમાં મળ્યા