મહીસાગરના લુણાવાડામાં રખડતા ઢોરોનો આતંક યથાવત, માંડ માંડ બચ્યો બાઈક ચાલક

મહીસાગરના લુણાવાડામાં રખડતા ઢોરનો આતંક યથાવત છે. બે દિવસમાં આવી બીજી એક ઘટના સામે આવી છે. લુણાવાડાના ડુંગરાભીત વિસ્તારમાં બાઈક ચાલક પાછળ ગાય દોડી હતી. આ ઘટના ત્યાં લાગેલા સીસીટીવી કેમેરામાં કેદ થઈ હતી. તેમાં જોવા મળી રહ્યું છે કે ગાયથી બચવા માટે બાઈક ચાલક ભાગતો જોવા મળે છે. તે સમયે એક મહિલા ગાયથી બચવા પોતાના ઘરમાં દોડીને જતી દેખાય છે.

આ પણ વાંચો મહીસાગરમાં અનુસૂચિત જનજાતિના બોગસ પ્રમાણપત્રો બનાવવાના કેસમાં ડિટવાસ ગ્રામ પંચાયતના બે સભ્યોની ધરપકડ

મહીસાગરમાં રખડતા ઢોરના આતંકના બે અલગ-અલગ દ્રશ્યો સામે આવ્યા છે. લુણાવાડામાં જ બે દિવસ અગાઉ એ જ જગ્યાએ વાહન ચાલક પાછળ ગાય દોડતી જોવા મળી હતી. ત્યારે આ જ શેરીમાં બે દિવસ બાદ અન્ય એક વાહન ચાલક પાછળ ગાય દોડતા દ્રશ્યો સામે આવ્યા છે.