Ind Vs Pak: ‘ફટાકડાનો સ્ટોક છે જ, દિવાળી પહેલા જ દિવાળી’, જુઓ જેતપુરના નાના પ્લેયર્સનો ક્રિકેટ પ્રેમ

મેચ પહેલા જેતપુરના લોકો અને ખેલાડીઓ ઉત્સાહી જણાયા. અને આજની મેચમાં ભારત જોરદાર પ્રદર્શન કરીને પાકિસ્તાનને ધૂળ ચટાડશે તેવો આશાવાદ રજૂ કરી રહ્યા છે

ભારત-પાકિસ્તાન ક્રિકેટ મેચની ચાહકો આતુરતાથી રાહ જોઈ રહ્યાં છે. જેતપુરના ક્રિકેટ ગ્રાઊન્ડમાં મોટી સ્ક્રીન પર મેચ જોવાની ખાસ વ્યવસ્થા કરવામાં આવી છે. હવે બસ ગણતરીની મિનિટમાં મેચ ચાલુ થવાની છે. ત્યારે ક્રિકેટ ચાહકોને રોહિત શર્મા, વિરાટ કોહલીની ફટકાબાજી જોવા આતુર છે. ભારતની જીત બાદ આતશબાજી માટે ફટાકડાની પણ ચાહકોએ તૈયારી કરી રાખી છે.

તો મેચ પહેલા જેતપુરના લોકો અને ખેલાડીઓ ઉત્સાહી જણાયા. અને આજની મેચમાં ભારત જોરદાર પ્રદર્શન કરીને પાકિસ્તાનને ધૂળ ચટાડશે તેવો આશાવાદ રજૂ કરી રહ્યા છે. સાથે જ ભારતીય ખેલાડીઓ સારૂ પ્રદર્શન કરશે અને ખેલાડીઓ પાકિસ્તાનને પરાસ્ત કરશે તેવો મત રજૂ કરી રહ્યા છે. તો મોટી સ્ક્રીનમાં ભેગા થઇને સૌ આ મેચોત્સવ ઉજવવા જવાના છે.

તો રાજકીય નેતાઓમાં પણ મેચને લઈને ક્રેઝ જોવા મળી રહ્યો છે. “આજની મેચમાં ભારત જ જીતશે”, આવો દાવો કર્યો છે ગુજરાત ભાજપ પ્રદેશ અધ્યક્ષ સીઆર પાટીલે. આજે ભારત-પાકિસ્તાન વચ્ચે T-20 વર્લ્ડ કપમાં રોમાંચક મુકાબલો યોજાવા જઈ રહ્યો છે. જેમાં ભારત જીતશે તેવું પાટીલે નિવેદન આપ્યું છે. ઉલ્લેખનીય છે કે વાપીમાં પારડી વિધાનસભાની પેજ કમિટીના સંમેલનમાં સીઆર પાટીલે હાજર રહ્યા હતા અને પાકિસ્તાનના વડાપ્રધાન પર કટાક્ષ પણ કર્યા હતા.

 

આ પણ વાંચો: અમદાવાદની શાન પ્રદુષિત: સાબરમતી નદીની સફાઈમાં તંત્રનિષ્ફળ, UP સ્વૈચ્છિક સંસ્થાએ ઝડપ્યું બીડું

આ પણ વાંચો: T20 World Cup 2021: વિરાટ કોહલી પાસે ચેમ્પિયન બનવાની છેલ્લી તક છે, IPL વાળી ભૂલ ન કરે !

Click on your DTH Provider to Add TV9 Gujarati