સિક્સ લેનનું કામ ચાલુ ઉપરથી વરસાદમાં પડેલા ખાડા, નેશનલ હાઈવે 8 પર થયો ટ્રાફિક જામ, જુઓ દ્રશ્યો

સાબરકાંઠાથી નીકળતા હાઈવે પર આજે ટ્રાફિકના એવા દ્રશ્યો જોવા મળ્યા હતા, જાણે કે આ કોઈ હાઈવે નહીં પરંતુ ગાડીઓ પાર્ક કરવાની જગ્યા હોય. કલાકો સુધી ભારે ટ્રાફિકમાં મોટી ગાડીઓથી લઈને નાની દરેક ગાડીઓની લાઈન જોવા મળી. આ દ્રશ્યો ગાંભોઈ નજીકના નેશનલ હાઇવે-૮ ના છે. જ્યાં કીડીઓ લાઈનમાં જતી હોય એમ મોટી ગાડીઓનો ટ્રાફિક જામ જોવા મળ્યો હતો.

આ ટ્રાફિક જામ એક તરફ જ નહીં પરંતુ બંને તરફ જોવા મળ્યો. બંને બાજુ 2-2 કિમી કરતા વધુ લાંબી વાહનોની કતારો હતી. વાહન ચાલકો ટ્રાફિકજામથી ખુબ પરેશાન હતા. જણાવી દઈએ કે આ ટ્રાફિકની સમસ્યા આ રોડ પર ઘણા સમયથી છે. અહીંયા સિક્સ લેનનું કામ ઘણા લાંબા સમયથી જોવા મળી રહ્યું છે. આ કામ ખુબ જ મંદ ગતિએ ચાલતું હોવાથી સ્થાનિકો હવે પરેશાન થઇ ગયા છે. આ ઉપરાંત દુકાળમાં અધિક માસ એ છે કે સામાન્ય વરસાદમાં પણ હાઈવે પર પડ્યા છે મસમોટા ખાડા પડ્યા છે. જેણે યાત્રાળુઓની સમસ્યા બમણી કરી દીધી છે.

એક સમયે ગુજરાત મોડેલના રોડ રસ્તાના વખાણ આખા દેશમાં થતા હતા ત્યારે આજે એવી સ્થિતિ છે કે રાજ્યમાં ઠેર ઠેર માર્ગ મરામતની તાતી જરૂરીયાત છે. ઘણા રોડ તો મરામતથી પણ સારા થાય એવા નથી. તેને નવેસરથી બનાવવામાં આવે તો જ કામ ચાલે એવું છે. ત્યારે ઘણા માર્ગ એવા પણ છે જે થોડા સમય પહેલા જ બનાવ્યા હોય અને હાલમાં બિસ્માર હાલતમાં હોય.

આ પણ વાંચો: BHAVNAGAR: ગાજવીજ સાથે ભારે વરસાદ શરુ, વાવાઝોડા જેવો ભારે પવન ફૂંકાતા લોકો ચિંતામાં

આ પણ વાંચો: GUJARAT CORONA UPDATE : રાજ્યમાં 28 સપ્ટેમ્બરે કોરોનાના નવા 24 કેસ નોંધાયા, 18 દર્દીઓ સાજા થયા