Amreli: જિલ્લાના દરિયાઈ કોસ્ટલ બેલ્ટમાં ધોધમાર વરસાદ, ભારે વરસાદના કારણે રસ્તા પર ફરી વળ્યા પાણી

Amreli: અમરેલીના દરિયાઈ કોસ્ટલ બેલ્ટમાં ધોધમાર વરસાદ (heavy rain) ખાબક્યો હતો. લાંબા વિરામ બાદ રાજુલામાં ફરી ધોધમાર વરસાદ વરસ્યો હતો ત્યારે ભારે વરસાદના કારણે રસ્તા પર પાણી ફરી વળ્યા હતા. સમગ્ર કોસ્ટલ બેલ્ટમાં ક્યંક ધીમી ધારે તો ક્યાંક ધોધમાર વરસાદ વરસ્યો હતો.

મહત્વનું છે કે, આગામી પાંચ દિવસ રાજ્યમાં પાંચ દિવસ સામાન્ય વરસાદ રહેશે. વરસાદને લઇ હવામાન વિભાગે આગાહી કરી છે. હવામાન વિભાગનું માનીયે તો હાલ રાજ્યમાં કોઇ વરસાદી સિસ્ટમ સક્રિય ન હોવાથી આગામી પાંચ દિવસ સામાન્ય વરસાદ રહેશે. હવામાન વિભાગનું કહેવું છે કે 24 કલાક દરમિયાન રાજ્યના કેટલાક વિસ્તારોમાં વરસાદની સંભાવના છે. આજે ગીરસોમનાથ, દ્વારકા, કચ્છ, સાબરકાંઠા, બનાસકાંઠા, પાટણ અને મહેસાણામાં સામાન્ય વરસાદ પડી શકે છે. તો અમદાવાદ અને ગાંધીનગરમાં વાદળછાયું વાતાવરણ યથાવત રહેશે.