Surat : સરકારી નિયમોને ધુમાડે ઉડાડનારાઓની ખેર નથી ! રાંદેરમાંથી પ્રતિબંધિત સિગારેટના વેપલો કરતા એક શખ્સની ધરપકડ

Baldev Suthar

Baldev Suthar | Edited By: Mamta Gadhvi

Updated on: Dec 06, 2022 | 2:46 PM

સિગારેટના મસમોટા જથ્થા સાથે રાંદેર પોલીસે પરેશ શાહ નામના શખ્સને ઝડપી વધુ કાર્યવાહી હાથ ધરી છે. આપને જણાવી દઈએ કે, આરોપી પાસેથી  70 હજારનો મુદ્દામાલ પોલીસે જપ્ત કર્યો છે.

સુરતમાંથી ફરી એક વાર પ્રતિબંધિત સિગારેટનો વેપલો ઝડપાયો છે. રાંદેરમાંથી પ્રતિબંધિત સિગારેટનો વેપલો કરનાર શખ્સને પોલીસે  ઝડપ્યો છે. સિગારેટના મસમોટા જથ્થા સાથે રાંદેર પોલીસે પરેશ શાહ નામના શખ્સને ઝડપી વધુ કાર્યવાહી હાથ ધરી છે. આપને જણાવી દઈએ કે, આરોપી પાસેથી  70 હજારનો મુદ્દામાલ પોલીસે જપ્ત કર્યો છે.

ફરી એક વાર પ્રતિબંધિત સિગારેટનો વેપલો ઝડપાયો

સુરતમાં રાંદેર પોલીસનો સ્ટાફ પેટ્રોલિંગમાં હતો તે દરમિયાન બાતમી મળી હતી કે રાંદેર વિસ્તારમાં એક ઇસમ પ્રતિબંધિત સિગારેટનો વેપલો કરી રહ્યો છે. બાતમીના આધારે પોલીસે તપાસ કરી 55 વર્ષીય પરેશભાઈ રમણલાલ શાહને ઝડપી પાડ્યો હતો. પોલીસે તેની પાસેથી 70 હજારની કિમતની પ્રતિબંધિત સિગારેટનો જથ્થો કબજે કર્યો હતો. તેમજ આ મામલે ઊંડાણપૂર્વક તપાસ હાથ ધરી કાયદેસરની કાર્યવાહી હાથ ધરી હતી. રાંદેર પોલીસ તપાસમાં તેની પાસેથી ઇન્ડોનેશિયા, કોરિયા, ઇન્ડિયા સહિતની બનાવટની પ્રતિબંધિત સિગારેટનો જથ્થો મળી આવ્યો છે. આ સમગ્ર મામલે રાંદેર પોલીસે વધુ તપાસ હાથ ધરી છે.

Follow us on

Click on your DTH Provider to Add TV9 Gujarati