Vadodara : ફ્લિપકાર્ટનો કરોડો રૂપિયાનો માલસામાન સગેવગે કરનાર બે આરોપીની ધરપકડ

આ ટેમ્પાનો સમગ્ર માલ અમદાવાદના પંકજ ખટીક નામના વ્યક્તિને વેચી મારવામાં આવ્યો હતો. જેને પગલે વડોદરા ગ્રામ્ય એલસીબીએ કુશલ શાહ અને પંકજ ખટિકને ઝડપી પાડી 1 કરોડ 56 લાખનો મુદ્દામાલ કબ્જે કરી લીધો છે.

ફ્લિપકાર્ટનો કરોડો રૂપિયાનો માલસામાન સગેવગે કરનાર બે આરોપીને વડોદરા એલસીબીએ ઝડપી પાડ્યાં છે.ફ્લિપકાર્ટના ગોડાઉનમાંથી રૂ.1.71 કરોડનો માલ સમાન ભરેલો ટેમ્પો લઈને ડ્રાઈવર હરિયાણાના ફારૂક નગર અને બીનોલામાં ખાલી કરવા નીકળ્યાં હતા.

પરંતુ નિર્ધારિત સમય થવા છતાં આ કન્ટેનર ટેમ્પો હરિયાણાની જગ્યાએ સુરતના એક ગોડાઉનમાં પહોંચ્યો હતો. અને ડ્રાઈવર-ક્લીનર બંને લાપતા હતા. આ અંગે ફ્લિપકાર્ટ કંપનીના ધરમવિર પુનિયાએ કરજણ પોલીસ મથકે ફરિયાદ નોંધાવતા તપાસનો ધમધમાટ શરૂ કરવામાં આવ્યો હતો.

આ તપાસ દરમ્યાન પોલીસને વલણની ગુડલક હોટેલ પાસેથી એક બિનવારસી ટેમ્પો મળી આવ્યો હતો.જો કે, તે ખાલી હતો ત્યારે આ મામલે વધુ તપાસ કરતા ધ્યાને આવ્યું કે, આ ટેમ્પાનો સમગ્ર માલ અમદાવાદના પંકજ ખટીક નામના વ્યક્તિને વેચી મારવામાં આવ્યો હતો. જેને પગલે વડોદરા ગ્રામ્ય એલસીબીએ કુશલ શાહ અને પંકજ ખટિકને ઝડપી પાડી 1 કરોડ 56 લાખનો મુદ્દામાલ કબ્જે કરી લીધો છે.

જયારે બાકીનો મુદ્દામાલ અને મુખ્ય સૂત્રધાર શિવલાલ શાહ, ડ્રાઈવર રમેશ પટેલ અને ક્લીનર સલમાનની શોધખોળ હાથ ધરી છે.તો ઉલ્લેખનીય છે કે કરોડોની ચોરીનો મુખ્ય સૂત્રધાર શિવલાલ શાહ અગાઉ પણ ચોરીના ગુનામાં સંડોવાયેલો હતો ત્યારે આરોપી વિરૂધ્ધ વધુ એક ગુનો નોંધાતા પોલીસે સધન તપાસ હાથ ધરી છે.

આ પણ વાંચો :  Made in india : અદાણી ગ્રુપનું મોટું આયોજન, વિશ્વની સૌથી શક્તિશાળી સુપર એપ બનશે ભારતમાં

આ પણ વાંચો : ગુજરાત સરકારનો ખેડૂતોને સિંચાઇ માટે પાણી આપવાના નિર્ણયને કિસાન સંઘે આવકાર્યો

Click on your DTH Provider to Add TV9 Gujarati