Panchmahal : ગોધરામાં એક કલાકમાં એક ઇંચ વરસાદ નોંધાયો, શહેરા-હાલોલ પંથકમાં જળબંબાકાર

પંચમહાલ જિલ્લાના ગોધરા, શહેરા અને હાલોલ પંથકમાં ભારે વરસાદ નોંધાયો છે. ગોધરા શહેરમાં એક કલાકમાં એક ઇંચ વરસાદથી ઠેરઠેર પાણી ભરાયા છે.

  • Publish Date - 6:55 pm, Sun, 18 July 21 Edited By: Utpal Patel

Panchmahal : જિલ્લાના ગોધરા શહેરમાં એક કલાકમાં એક ઇંચ વરસાદ ખાબક્યો છે. ભારે વરસાદને પગલે શહેરના અનેક વિસ્તારોમાં જળબંબાકારની સ્થિતિ સર્જાઇ છે. અને સ્ટેશન રોડ, શહેરા ભાગોળ, બગીચા રોડ પર પાણી ભરાયા છે. ગોધરાના વાવડી, છબનપુર, વેગનપુરના ગ્રામ્ય પંથકમાં વરસાદ નોંધાયો છે. તો શહેરા તાલુકામાં પણ વરસાદી માહોલ જામ્યો છે. ભારે વરસાદને પગલે પાલિકાની પ્રિ-મોન્સૂન કામગીરીની પોલ ખુલી ગઇ છે. તો ગટરના પાણી સાથે વરસાદી પાણી ભળતા ગંદકીનું સામ્રાજ્ય સર્જાયું છે.

તો જિલ્લાના હાલોલના પાવાગઢ, ધનકુવા, ઢીકવા, વડાતળાવ સહિત આસપાસના વિસ્તારોમાં પણ પવન સાથે ધોધમાર વરસાદ પડયો છે. ગ્રામ્ય વિસ્તારોમાં વરસાદને લઈને ખેડૂતોમાં ખુશીની લાગણી પ્રવર્તી છે. વરસાદને લીધે મકાઈ, ડાંગર સહિતના કઠોળ પાકોને જીવતદાન મળ્યું છે.