નર્મદા: આમ આદમી પાર્ટીની સભા એ ચૂંટણી માટેનું શક્તિ પ્રદર્શન, ચૈતર વસાવાને બનાવે છે હાથો: મનસુખ વસાવા- Video

ભરૂચના નેત્રંગમાં આમ આદમી પાર્ટીની સભાને લઈને ભાજપના સાંસદ મનસુખ વસાવાએ આક્ષેપ કર્યો છે. તેમણે કહ્યુ નેત્રંગની આમ આદમી પાર્ટીની સભા એ ચૈતર વસાવાના સમર્થન માટે નહીં, પરંતુ શક્તિ પ્રદર્શન માટે છે. આવતીકાલે (07.01.2024) અરવિંદ કેજરીવાલ અને ભગવંત માન નેત્રંગ આવી રહ્યા છે.

જો કે, મનસુખ વસાવાનું માનીએ તો આ ચૂંટણીને લઈને શક્તિ પ્રદર્શન જ છે. બંને મુખ્યમંત્રીઓ માત્ર ગુજરાતમાં તેમનો પગપેસારો કરવા માટે ચૈતર વસાવાને હાથો બનાવે છે, તેવો આરોપ પણ લગાવાયો છે. આદિવાસી પટ્ટામાં વ્યાપ વધારવાનો AAPની આ રણનીતિ છે. જો કે, વસાવાને વિશ્વાસ છે કે, આ મતવિસ્તારના લોકોને ભાજપ પર જ વિશ્વાસ છે.

આ પણ વાંચો: શક્તિસિંહ ગોહિલ સાથે મુલાકાત બાદ ભાજપના પૂર્વ MLA મધુ શ્રીવાસ્તવે આપ્યુ આ નિવેદન- વીડિયો

જો કે આ સ્ટંટની રાજનીતિને આમ આદમી પાર્ટી પણ રાજકીય જ કહી રહી છે. મનસુખ વસાવાના નિવેદન પર પ્રદેશ AAPના નેતાનું કહેવું છે કે, આ રાજકીય લડાઈ છે. જે લડાઈ લડીને ચૂંટણીમાં AAP જીતશે.

નર્મદા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો