Mucormycosis: ખાનગી હોસ્પિટલમાં સારવાર લેતા દર્દીઓને ઈન્જેક્શન ફાળવવામાં તંત્ર સદંતર નિષ્ફળ

મ્યુકોરમાઈકોસિસની સારવાર લેતા ખાનગી હોસ્પિટલના દર્દીઓ માટે ઈન્જેક્શનની વ્યવસ્થા તો ગોઠવવામાં આવી, પરંતુ આ વ્યવસ્થા ફક્ત નામ પૂરતી જ હોય તેવું લાગી રહ્યું છે.

મ્યુકોરમાઈકોસિસની સારવાર લેતા ખાનગી હોસ્પિટલના દર્દીઓ માટે ઈન્જેક્શનની વ્યવસ્થા તો ગોઠવવામાં આવી, પરંતુ આ વ્યવસ્થા ફક્ત નામ પૂરતી જ હોય તેવું લાગી રહ્યું છે. ઈન્જેક્શન ફાળવવામાં તંત્ર સદંતર નિષ્ફળ નીવડ્યું છે. કારણ કે અમદાવાદની એલજી હોસ્પિટલ બહાર એવું પોસ્ટર લગાવી દેવાયું છે કે, ઈન્જેક્શનનો સ્ટોક સરકાર પાસે છે.

સરકાર એલજી હોસ્પિટલને આપતી નથી અને દર્દીના સગાને અહીં મોકલે છે. હાલમાં એલજી હોસ્પિટલમાં દાખલ 45 દર્દીને આપી શકાય તેટલો 1100 ઈન્જેક્શનનો સ્ટોક જ ઉપલબ્ધ છે. ગુરુવારે સરકારે જાહેર કર્યું હતું કે, શહેરની ગમે તે ખાનગી હોસ્પિટલમાં દાખલ મ્યુકોરમાઈકોસિસના દર્દીને એલજી હોસ્પિટલમાંથી ઈન્જેક્શન મળી શકશે.

એલજીની બહાર રોજે દર્દીના સગાંની લાઈનો લાગી રહી છે. મળતી માહિતી પ્રમાણે, રાજ્ય સરકાર કોર્પોરેશનની હોસ્પિટલોને બદનામ કરવા એલજીને ઈન્જેક્શન આપવા નોડલ એજન્સી બનાવી છે. ઈન્જેક્શનનો સંપૂર્ણ સ્ટોક સરકાર પાસે છે. સરકાર કોર્પોરેશનને ઈન્જેક્શન આપી રહી નથી.

હેલ્થ કમિશનર અને હેલ્થ સેક્રેટરીને વારંવાર ઈમેલ કરીને ઈન્જેક્શન ઈશ્યુ કરવા રિમાઈન્ડર મોકલ્યા છે તેમ છતાં ઈન્જેક્શનો સ્ટોક આવી રહ્યો નથી. સરકારે ઈન્જેક્શન આપવા નથી તો પછી કેમ એલજીને બદનામ કરવા જાહેરાત કરી તે સમજાતું નથી.

કોર્પોરેશને કરેલા પરિપત્ર પ્રમાણે ખાનગી હોસ્પિટલના ઓફિશિયલ ઈમેલ આઈડી પરથી એલજીના ઓફિશિયલ ઈમેલ આઈડી પર આવતા દર્દીના ડેટાનું એલજીના ઈએનટી, ઓપ્થોલ્મોલોજી અને મેડિસિન વિભાગના ડૉક્ટરોની ટીમ દ્વારા વેરિફિકેશન કરવામાં આવશે અને સ્ટોક મુજબ ઈન્જેક્શન ફાળવવામાં આવશે.

  • Follow us on Facebook

Click on your DTH Provider to Add TV9 Gujarati