મંગળવારે સરદાર વલ્લભભાઈ પટેલની જન્મ જયંતિ હતી. જેને લઈ દરેક તાલુકા અને ગામડે સરદાર પટેલને ફુલહાર કરીને જન્મજયંતિની ઉજવણી કરવામાં આવી હતી. જોકે વલસાડના નારગોલમાં તો ધારાસભ્ય સહિતના નેતાઓએ તો સરદાર વલ્લભભાઈ પટેલની પ્રતિમાને હાર તોરા કરવા માટે સીડી નહીં હોઈ અનોખો પ્રયોગ કર્યો હતો. નેતાઓએ સીડી નહીં તો જેસીબીને અજમાવ્યુ હતુ.
પૂર્વ મંત્રી અને ઉમરગામના ધારાસભ્ય રમણલાલ પાટકર અને તેમના સાથેના સ્થાનિક અગ્રણીઓ અને નેતાઓએ સરદાર પટેલને હાર પહેરાવવા માટે જેસીબીની મદદ લીધી હતી. નેતાઓ જેસીબી પર ચડ્યા અને જેસીબીથી નેતાઓને એક સાથે ઉંચા કરીને પ્રતિમાની નજીક પહોંચાડ્યા હતા. જેથી તેઓએ જેસીબી પર રહીને સરદાર પટેલને હારતોરા કર્યા હતા. જોકે નેતાઓની આ રીતે હારતોરા કરવાની રીતનો વીડિયો પણ સોશિયલ મીડિયા પર વાયરલ થઈ ગયો હતો.
Published On - 11:22 pm, Tue, 31 October 23