Mahisagar : મહિલા તલાટીનો લાંચ માંગતો વિડીયો વાયરલ થયા બાદ બદલી કરાઇ
મહીસાગર(Mahisagar) જિલ્લાની ચારણગામ ગ્રામ પંચાયતના મહિલા તલાટી સામે કાર્યવાહી કરવામાં આવી છે. મહિલા તલાટી સવિતા માછી દ્વારા લાંચ માંગવાનો વીડિયો વાયરલ થતાં નાયબ જિલ્લા વિકાસ અધિકારી દ્વારા ફરજ મુક્ત કરી અન્ય તાલુકામાં બદલી કરી દેવામાં આવી છે.
ગુજરાતમાં મહીસાગર (Mahisagar) જિલ્લાની ચારણગામ ગ્રામ પંચાયતના મહિલા તલાટી (Woman Talati) સામે કાર્યવાહી કરવામાં આવી છે. મહિલા તલાટી સવિતા માછી દ્વારા લાંચ (Bribe) માંગવાનો વીડિયો વાયરલ થતાં નાયબ જિલ્લા વિકાસ અધિકારી દ્વારા ફરજ મુક્ત કરી અન્ય તાલુકામાં બદલી કરી દેવામાં આવી છે.ચારણ ગામ ગ્રામ પંચાયતમાં ફરજ બજાવતા તલાટી સવિતા માછીએ અરજદાર પાસે બોર મોટરનું બિલ કઢાવવા માટે રૂપિયા 10 હજારની લાંચ માગતો વીડિયો વાયરલ થયો હતો.
ઉલ્લેખનીય છે કે, મહીસાગરમાં મહિલા તલાટીનો એક વીડિયો સોશિયલ મીડિયા પર વાયરલ થયો છે. લુણાવાડાના ચારણગામ સાલાવાડા ગ્રામ પંચાયતના મહિલા તલાટીનો વીડિયો વાયરલ થયો છે જેમાં તેઓ અરજદાર પાસે 10 હજાર રૂપિયાની લાંચ માગી રહ્યાં છે. બોર મોટરનું બિલ કઢાવવા માટે અરજદાર પાસેથી મહિલા તલાટીએ લાંચ માગી હતી. એક સ્થાનિકે આ વીડિયો સોશિયલ મીડિયામાં વાયરલ કર્યો છે. વીડિયોમાં મહિલા તલાટી લાંચની રકમ છેક ઉપર સુધી પહોંચાડવાની છે તેવું બોલી રહ્યાં હતા
સોશિયલ મીડિયા પર આ વીડિયો વાયરલ થતા અનેક સવાલો ઉઠી રહ્યાં છે… લાંચ માગ્યાનો વીડિયો સામે આવતા હવે મહિલા તલાટીએ પોતાનો મોબાઈલ સ્વીચ ઓફ કરી દીધો છે તો તાલુકા વિકાસ અધિકારી અને જિલ્લા વિકાસ અધિકારી પણ જવાબ ન આપવો પડે તે કારણોસર પોતાનો મોબાઈલ ઉપાડતા નથી.