Banaskantha: જન સેવા એજ પ્રભુ સેવા, લાયન્સ ક્લબ દ્વારા પોઝિટિવ દર્દીઓને ઓક્સિજન મશીનનું વિતરણ કરાયું

લોકો મોતને ન ભેટે તે માટે લાયન્સ ક્લબ દ્વારા ઓક્સિજન મશીનનું વિતરણ કરવામાં આવ્યું. આ મશીન હવામાંથી ઓક્સિજન ખેંચીને ઓક્સિજનનો પુરવઠો કોરોના દર્દીને પૂરો પાડે છે.

  • TV9 Webdesk13
  • Published On - 15:48 PM, 2 May 2021

જન સેવા એજ પ્રભુ સેવા. અનેક સેવાભાવી સંસ્થાઓએ કોરોના કાળમાં લોકોની મદદ કરીને આ વાતને સાર્થક કરી છે. બનાસકાંઠા જિલ્લામાં પણ આવી જ એક સંસ્થા લોકોને મદદરૂપ બની છે. જિલ્લામાં લોકો મોતને ન ભેટે તે માટે લાયન્સ ક્લબ દ્વારા ઓક્સિજન મશીનનું વિતરણ કરવામાં આવ્યું. આ મશીન હવામાંથી ઓક્સિજન ખેંચીને ઓક્સિજનનો પુરવઠો કોરોના દર્દીને પૂરો પાડે છે.

ડીસામાં આવેલી લાયન્સ ક્લબ દ્વારા ઈલેક્ટ્રીક ઓક્સિજન મશીન વસાવવામાં આવ્યા છે. લાયન્સ ક્લબ દ્વારા 50 જેટલા મશીન ખરીદવામાં આવ્યા છે. જેમાંથી 20 મશીનની ડિલિવરી થઈ જતા કોરોના પોઝિટિવ દર્દીઓ અને ઓક્સિજનની અછત ન વર્તાય તે માટે મશીન વિતરણ કરવામાં આવ્યું.