Gir Somnath: સિંહ-સિંહણ એકસાથે કેમેરામાં થયા કેદ, મોરવડ ગામમાં સિંહે કર્યું મારણ, જુઓ VIDEO

વરસાદી માહોલ વચ્ચે ગીરસોમનાથમાં અલગ અલગ સિંહો રસ્તા પર લટાર મારતા જોવા મળ્યા હતા. તાલાલાના ગ્રામ્ય પંથકનો એક વીડિયો સામે આવ્યો છે. જેમા સિંહ અને સિંહણ દિવાલ ઓળંગીને જતા કેમેરામાં કેદ થયા હતા.

TV9 GUJARATI

| Edited By: Jayraj Vala

Jul 05, 2022 | 7:58 AM

ગીર સોમનાથ જિલ્લામાં વરસાદી માહોલ વચ્ચે ગીરસોમનાથમાં અલગ અલગ સિંહો રસ્તા પર લટાર મારતા જોવા મળ્યા હતા. તાલાલાના ગ્રામ્ય પંથકનો એક વીડિયો સામે આવ્યો છે. જેમા સિંહ અને સિંહણ દિવાલ ઓળંગીને જતા કેમેરામાં કેદ થયા હતા. તો કોડીનારના મોરવડ ગામમાં પણ સિંહ જોવા મળ્યા હતા. જોકે અહીં સિંહે વાછરડાનું મારણ કર્યું હતું. જેના કારણે ગામમાં લોકોના ટોળા ભેગા થઈ ગયા હતા.

આગામી 5 દિવસ સૌરાષ્ટ્રમાં ભારે વરસાદની આગાહી

હવામાન વિભાગે આગામી 5 દિવસ રાજ્યમાં સાર્વત્રિક વરસાદ વરસવાની આગાહી કરી છે, આગામી 5 દિવસ રાજ્યભરમાં સારો વરસાદ વરસશે. જેમા 7 અને 8 તારીખે અતિભારે વરસાદ થવાની શક્યતા છે. દક્ષિણ ગુજરાત, મધ્ય ગુજરાત તથા સૌરાષ્ટ્ર-કચ્છમાં ભારે વરસાદ પડી શકે છે તો ઉત્તર ગુજરાતના કેટલાક વિસ્તારમાં પણ ધોધમાર વરસાદ થઈ શકે છે. બંગાળની ખાડીમાં દબાણ સર્જાવાના કારણે વાતાવરણમાં તેની અસર જોવા મળી રહી છે.

સૌરાષ્ટ્ર અને દક્ષિણ ગુજરાતમાં ધોધમાર વરસાદ

મહત્વનું છે કે, અત્યાર સુધીમાં રાજ્યમાં સરેરાશ 4 ઈંચ વરસાદ થયો છે. રાજ્યમાં હજુ પણ 34 ટકા વરસાદની ઘટ જોવા મળી રહી છે. અત્યાર સુધીમાં સૌરાષ્ટ્રમાં પણ મોટા ભાગના જિલ્લાઓમાં ધોધમાર વરસાદ વરસ્યો છે. ભારે વરસાદના પગલે નદી-નાળા છલકાયા છે. રાજકોટના જસદણમાં ધોધમાર વરસાદ વરસ્યો હતો. જસદણના ડોડીયાળા ગામમાં ધોધમાર વરસાદના પગલે નદીમાં પૂર આવ્યું હતું. તો સુરેન્દ્રનગરમાં પણ સાંબેલાધાર વરસાદના પગલે બજારોમાં પાણી ભરાયા હતા. આ તરફ બોટાદ અને ભાવનગરમાં પણ મેઘરાજા મન મુકીને વરસ્યા હતા. ત્યારે હવે વરસાદને પગલે ગુજરાતના વિવિધ વિસ્તારમાં NDRFની ટીમ તહેનાત કરવામાં આવી છે.

 

Follow us on

Click on your DTH Provider to Add TV9 Gujarati