Kutch: માંડવી બીચ ખાતે બોટે પલટી મારી, 6 પ્રવાસીઓનો ચમત્કારિક બચાવ

કચ્છના (Kutch) માંડવી બીચ ખાતે સ્પીડ બોટ પલટતા 6 પ્રવાસીઓ ડૂબ્યા હોવાની ઘટના સામે આવી છે. માંડવી બીચ  (Mandvi beach) પર ફરવા આવેલા વાંકાનેરના પરિવાર સાથે અકસ્માત થયો હતો. બોટે પલટી મારતા સ્થાનિક તરવૈયા અને અન્ય બોટની મદદથી તમામ પ્રવાસીઓનું રેસ્કયુ કરી લેવામાં આવ્યું હતું. હાલમાં તમામ પ્રવાસીઓ (tourist ) સુરક્ષિત છે. ઉલ્લેખનીય છે કે દરિયા કાંઠાની નજીક જ બોટે પલટી મારી હોવાથી સ્થાનિક તરવૈયાઓ તુરંત જ બચાવકાર્ય માટે પહોંચી ગયા હતા, તેના કારણે કોઈ જાનહાનિ થઈ નથી. હાલમાં કચ્છમાં માતાના મઢ તરફ પ્રવાસીઓનો ધસારો રહે છે, ત્યારે પ્રવાસીઓ  માંડવી બીચ પણ ફરવા જતા હોય છે ત્યારે આવી  ઘટના સર્જાઈ હતી. જોકે સદનસીબે  તેમાં કોઈ જાનહાનિ થઈ નથી.