KUTCH : અંજારની આંગડિયા પેઢીનો કર્મચારી લૂંટાયો, અંદાજિત રૂપિયા 65 લાખની લૂંટ

આંગડિયા સંચાલક કારનો કાચ ખોલતાની સાથે જ પાછળથી આવેલા બે ઈસમોએ આંખમાં મરચું નાખી તેને બહાર ધકેલી બે ઈસમો કાર લઈને ફરાર થઈ ગયા હતા.

TV9 Gujarati
| Edited By: | Updated on: Aug 24, 2021 | 9:00 AM

KUTCH : પૂર્વ કચ્છના અંજાર શહેરમાં ગઇકાલે મોડી સાંજે 62 લાખની આંગડિયા લૂંટ થતા ચકચાર મચી છે. બે લૂંટારુઓ આંગડિયા પેઢીના સંચાલકની કાર અને રોકડ રકમ લઈ ફરાર થઈ જતા પોલીસે જિલ્લામાં નાકાબંધી કરી લૂંટારુની શોધખોળ હાથ ધરી છે.

ગઇકાલે એન.આર. આંગડિયા પેઢીના સંચાલક પોતાની આંગડિયા પેઢી વધાવીને અંદાજિત 7-30 વાગ્યાના અરસામાં પોતાની કારમાં રોકડા રૂ. 62 લાખ સાથે લઈ નીકળ્યા હતા.

જ્યાંથી થોડે દુર જતા જ એક નંબર પ્લેટ વગરની હોન્ડા સાઈન બાઈકથી અંદાજિત 30થી 35 વર્ષની ઉંમરનો યુવાન ભોગ બનનારની કારની પાછળની બાજુએથી અથડાયો હતો. જે બાદ તે યુવાને આવી ભોગ બનનારની કારનો કાચ ખખડાવ્યો હતો.

આંગડિયા સંચાલક કારનો કાચ ખોલતાની સાથે જ પાછળથી આવેલા બે ઈસમોએ આંખમાં મરચું નાખી તેને બહાર ધકેલી બે ઈસમો કાર લઈને ફરાર થઈ ગયા હતા. જ્યારે બાઈક સાથે આવેલો ઈસમ ત્યાંથી દોડી જઇ નાસી છૂટ્યો હતો.

આ બનાવ દરમ્યાન ભોગ બનનારની સ્વીફ્ટ કાર ઉપરાંત રૂ. 62 લાખ રોકડા તથા સોનાની માળા, કારમાં રાખેલો મોબાઈલ સહિત કુલ રૂ. 65.85 લાખની લૂંટ ચલાવાઈ હતી.

મળતી માહિતી મુજબ, લૂંટારુઓએ જાણે પહેલાથી જ પ્લાનિંગ કરી હોય તેમ લૂંટને અંજામ આપવા માટે શનિવારે બપોરે શહેરમાં બાઇકની ચોરી કરી હતી. જે બાદ તે બાઈક પરથી નંબર પ્લેટ કાઢી બાઈકનો કલર બદલી નાખી ચેસીસ નંબર પણ કાઢી નાખ્યા હતા. જે બાઈકનો લૂંટની ઘટનામાં ઉપયોગ કરી બાઇકને સ્થળ પર જ મૂકી લૂંટારુઓ નાસી છૂટ્યા હતા.

Follow Us:
g clip-path="url(#clip0_868_265)">