KUTCH : અમેરિકન દંપતીએ અનાથ બાળકને દત્તક લીધું, ભુજ મહિલા કલ્યાણ કેન્દ્ર ખાતે કાનૂની પ્રક્રિયાના અંતે બાળક દંપતીને સોંપાયું

અમેરિકન દંપતીએ કચ્છના એક અનાથ બાળકને દત્તક લીધું છે. ભુજ મહિલા કલ્યાણ કેન્દ્ર ખાતે અઢી વર્ષની કાનૂની પ્રક્રિયા પછી બાળકનો કબજો અમેરિકન દંપતીને સોંપવામાં આવ્યો છે.

  • Publish Date - 9:50 pm, Thu, 22 July 21 Edited By: Utpal Patel

KUTCH : ગુજરાતના વધુ એક અનાથ બાળકનો અમેરિકામાં ઉછેર થશે. અમેરિકન દંપતીએ કચ્છના એક અનાથ બાળકને દત્તક લીધું છે. ભુજ મહિલા કલ્યાણ કેન્દ્ર ખાતે અઢી વર્ષની કાનૂની પ્રક્રિયા પછી બાળકનો કબજો અમેરિકન દંપતીને સોંપવામાં આવ્યો છે. અમેરિકન દંપતી ચેસ અને લુઇસ લાંબા સમયથી બાળક દત્તક લેવાની પ્રક્રિયા કરી રહ્યા હતા. ત્યારે ગઇકાલે બુધવારે તેમને કબજો મળ્યો હતો. દત્તક લેવાયેલું બાળક એક મહિનાનું હતું ત્યારે ત્યજી દેવાયેલી હાલતમાં મળ્યું હતું. અને ત્યારબાદ સંસ્થામાં તેનો 2 વર્ષથી ઉછેર થતો હતો. ચેસ અને લુઇસ હવે તેને દત્તક લઇ અમેરિકા લઇ જશે. સંસ્થાએ અનાથ બાળકનો અમેરિકામાં ઉછેર થશે, તે ઘટના અંગે ખુશી વ્યક્ત કરી હતી.