JUNAGAHD : બાદલપરામાં આવેલો ઓઝત-2 ડેમ 97 ટકા ભરાતા ડેમના 2 દરવાજા બે ફૂટ ખોલવામાં આવ્યા
8 દિવસ પહેલા ઓઝત-2 ડેમ ઓવરફલો થયો હતો. ભારે વરસાદને કારણે ઓઝત-2 ડેમ ઓવરફલો થતા ડેમના 25 દરવાજામાંથી 4 દરવાજા 4 ફૂટ સુધી ખોલવામાં આવ્યાં હતા.
ઓઝત-2 ડેમ 97 ટકા ભરાતા ડેમના 2 દરવાજા બે ફૂટ ખોલવામાં આવ્યા છે
JUNAGAHD : જૂનાગઢના બાદલપરામાં આવેલો ઓઝત-2 ડેમમાં નવા નીર આવ્યા છે. ડેમ 97 ટકા ભરાયો છે. ઓઝત-2 ડેમ 97 ટકા ભરાતા ડેમના 2 દરવાજા બે ફૂટ ખોલવામાં આવ્યા છે. ઉપરવાસમાં ભારે વરસાદને પગલે ડેમમાં 3600 ક્યુસેક પાણીની આવક થઈ રહી છે.. ડેમમાં જેટલી પાણીની આવક થઈ રહી છે.. સામે એટલી જ જાવક કરવામાં આવી રહી છે. આ પહેલા 8 દિવસ પહેલા ઓઝત-2 ડેમ ઓવરફલો થયો હતો. ભારે વરસાદને કારણે ઓઝત-2 ડેમ ઓવરફલો થતા ડેમના 25 દરવાજામાંથી 4 દરવાજા 4 ફૂટ સુધી ખોલવામાં આવ્યાં હતા.
જુનાગઢ જિલ્લામાં વિસાવદરમાં બે કલાકમાં બે ઈંચ વરસાદ પડ્યો હતો, જેના કારણે રસ્તા પર ઠેર ઠેર વરસાદી પાણી ભરાયાં હતા. જૂનાગઢ શહેરમાં 1 ઇંચ વરસાદ નોંધાયો. ગિરનાર પર્વત પર વધારે વરસાદથી સોનરખ નદીમાં નવા નીર આવ્યા.સોનરખ નદીમાં નીર આવતા દામોદર કુંડમાં પાણીનો પ્રવાહ વધ્યો.દામોદર કુંડના અદભુત દ્રશ્યો સામે આવ્યા હતા.
આજે 21 સપ્ટેમ્બરે મધ્ય અને દક્ષિણ ગુજરાતમાં ધોધમાર વરસાદ પડ્યો. આજે રાજ્યના 165 તાલુકાઓમાં વરસાદ પડ્યો, જેમાં સૌથી વધુ પંચમહાલના જાંબુઘોડામાં 6.5 ઇંચ વરસાદ પડ્યો. છોટાઉદેપુર જિલ્લાના બોડેલીમાં 5.5 ઇંચ વરસાદ પડ્યો, તો પાવી-જેતપુરમાં 5 ઇંચ વરસાદ ખાબક્યો. રાજકોટના ધોરાજીમાં 4 કલાકમાં 4 ઇંચ વરસાદ થયો છે. રાજ્યના 35 તાલુકાઓમાં 1 ઇંચથી વધુ વરસાદ નોંધાયો છે.
આ પણ વાંચો : બરોડા ડેરીનો વિવાદ ગાંધીનગર પહોચ્યો, આવતીકાલે સીઆર પાટીલની અધ્યક્ષતામાં ધારાસભ્યો અને ડેરીના સત્તાધીશોની બેઠક યોજાશે
આ પણ વાંચો : સાઈબર ક્રાઈમના આરોપીને બચાવવા ફિલ્મી ઢબે પોલીસ પર હુમલો, મુખ્ય સાગરિત સળિયા પાછળ ધકેલાયો
