Jamnagar : જિલ્લામાં લાંબા વિરામ બાદ બેથી ચાર ઈંચ વરસાદ નોંધાયો, જોડીયા પંથકમાં ચાર ઇંચ વરસાદ નોંધાયો

જોડીયા તાલુકામાં દિવસભર વિરામ બાદ બપોર બાદના સમયમાં સારો વરસાદ થયો હતો. જેમાં બે કલાકમાં ત્રણ ઈંચ વરસાદ થયો હતો. તો દિવસભરમાં કુલ ચાર ઈંચ વરસાદ જોડીયામાં નોંધાયો છે.

Jamnagar : સૌરાષ્ટ્રમાં છેલ્લા બે દિવસથી વરસાદી માહોલ છવાયો છે. ઓગષ્ટ માસમાં વરસાદ ના થતા દુષ્કાળ જેવી સ્થિતી સર્જાઈ હતી. ત્યારે લાંબા વિરામ બાદ મેઘરાજા મેહરબાર થતા ખેડુતો અને માલધારીઓમાં ખુશી છવાઈ છે. જામનગર જીલ્લાભરમાં સાર્વત્રિક વરસાદ થયો છે. બુધવારના દિવસભર ધીમીધારે છુટછવાયો વરસાદ જીલ્લાભરમાં પડયો હતો.

જિલ્લામાં કયાં-કેટલો પડયો વરસાદ ?

વરસાદના આંકડા પર નજર કરીએ તો જામનગર તાલુકામાં 53 એમએમ, કાલાવડ તાલુકામાં 63 એમએમ, જામજોધપુર તાલુકામાં 48 એમએમ, લાલપુર તાલુકામાં 74 એમએમ, જોડીયા તાલુકામાં 102 એમએમ અને ધ્રોલ તાલુકામાં 55 એમએમ વરસાદ છેલ્લા 24 કલાકનો નોંધાયો છે.

જોડીયામાં બેથી ત્રણ ઇંચ વરસાદ નોંધાયો

જોડીયા તાલુકામાં દિવસભર વિરામ બાદ બપોર બાદના સમયમાં સારો વરસાદ થયો હતો. જેમાં બે કલાકમાં ત્રણ ઈંચ વરસાદ થયો હતો. તો દિવસભરમાં કુલ ચાર ઈંચ વરસાદ જોડીયામાં નોંધાયો છે. છેલ્લા કેટલાય દિવસોથી ભારે ઉકરાળ અને ગરમીનો સામનો કરતો સ્થાનિકો વરસાદી માહોલ થતા ગરમીમાંથી રાહતનો અનુભવ કર્યો.

જિલ્લામાં 2થી 4 ઇંચ વરસાદ નોંધાયો

બે દિવસથી વાદળછાયા વાતાવરણ વચ્ચે જીલ્લામાં બેથી ચાર ઈંચ વરસાદ થયો છે. વરસાદનો વધુ એક રાઉન્ડ થતા ખેડુતોમાં ફરી એક આશ જાગી છે. બીજી તરફ વરસાદ ખેંચાતા પશુઓને ઘાસચારા માટે માલધારીઓ ચિંતિત થયા હતા. તે વરસાદ થતા ચિંતા દુર થઈ છે. સતત બીજા દિવસે પણ છુંટોછવાયો ધીમીધારે વરસાદ થઈ રહ્યો છે. ડેમમાં નવાનીરની આવક શરૂ થઈ છે.

વરસાદમાં બે અકસ્માત પણ સર્જાયા

વરસાદની સાથે બે અકસ્માત થયા જીલ્લામાં થયા હતા. જેમાં જોડીયા તાલુકામાં હાડાટોડા ગામમાં વિજળી પડતા એક ભેંસનુ મોત થયુ હતુ. તો જામજોધપુરના ગ્રામ્ય વિસ્તારમાં તલાટીની કોઝ-વે પર ફસાઈ હતી. બેડી-આંબરડીથી ધ્રાફા તરફ જતી વખતે નંદાણા નજીક કોઝ-વે પર તલાટી રૂપેશ સુથારની કાર પાણીના પ્રવાહમાં ફસાઈ હતી. જેની જાણ થતા ગ્રામજનોએ મદદે દોડી આવ્યા હતા. અને લોકોએ દોરડાની મદદથી તલાટીને સુરક્ષિત બહાર કાઢયા હતા.

Click on your DTH Provider to Add TV9 Gujarati