Morbi: હિંમતનગર બાદ મોરબીની કંપનીઓ પર તવાઈ, બે જાણીતી કંપનીઓ પર આઈટી વિભાગના દરોડા

આઈટી વિભાગે હિંમતનગરની એશિયન ગ્રેનિટો ( Asian Granito company) કંપની સાથે સંકળાયેલી બે કંપનીઓમં દરોડા પાડ્યા છે. આ કંપની માત્ર ટાઈલ્સ જ નહીં પણ બાથવેર અને મારબલના ઉત્પાદનો પણ બનાવે છે. કંપની તેના પ્રિમિયમ પ્રોડક્ટસ્ માટે પણ જાણિતી છે.

TV9 GUJARATI

| Edited By: Nidhi Bhatt

May 26, 2022 | 2:29 PM

હિંમતનગરમાં દરોડા બાદ આઈટી વિભાગે (Income Tax) મોરબીની (Morbi News) બે સિરામિક કંપનીઓમાં સર્ચ ઓપરેશન હાથ ધર્યું છે. આઈટી વિભાગે હિંમતનગરની એશિયન ગ્રેનિટો કંપની સાથે સંકળાયેલી બે કંપનીઓમા દરોડા પાડ્યા છે. આ કંપની માત્ર ટાઈલ્સ જ નહીં પણ બાથવેર અને મારબલના ઉત્પાદનો પણ બનાવે છે. કંપની તેના પ્રિમિયમ પ્રોડક્ટસ માટે પણ જાણિતી છે. દેશભરમાં 300થી વધુ શો રૂમ ધરાવે છે અને સાઉથ આફ્રિકામાં દેશનો સૌથી મોટો સિરામિક શો રૂમ ખોલવાનું શ્રેય પણ આ કંપનીને જાય છે. મોરબીની એફિલ સિરામિક અને એબીકોન સિરામિક કંપનીમાં અધિકારીઓની ટીમે સર્ચ ઓપરેશન કર્યું છે.

એશિયન ગ્રેનિટો લિમિટેડ નામની સિરામીક બનાવતી કંપનીમાં ઈન્કમટેક્સના વહેલી સવારથી દરોડા પડ્યા છે. અમદાવાદ, હિંમતનગર, પ્રાંતિજ અને મોરબી સહિત 35થી 40 સ્થળોએ ફોક્ટટરી અને ઓફિસો ધરાવતી આ કંપની દેશની ટોચની ત્રણ સિરામિક કંપનીઓમાંની એક છે. કંપની 1400 કરોડનું ટર્નઓવર ધારવે છે અને દુનિયાના 100થી વધુ દેશોમાં પોતાની પોડક્ટ્સની નિકાસ કરે છે. આટલી મોટી કંપનીમાં આઈટી વિભાગે 200 અધિકારીઓ સાથે મેગા ઓપરેશન હાથ ધરતાં મોટા પાયો ગેરરીતિ બહાર આવવાની સંભાવના છે. આ કંપનીની ઘણી બધી સબસીડરી કંપનીઓ પણ છે અને રાજ્યમાં પણ આ કંપની અમદાવાદ, મહેસાણા, સાબરકાંઠા અને મોરબી જિલ્લામાં પોતાના 9 જેટલાં જંગી ઉત્પાદન યુનિટો ધરાવે છે.

Follow us on

Click on your DTH Provider to Add TV9 Gujarati