Ahmedabad : ગ્યાસપુર ગામની મુલાકાતે CM ભૂપેન્દ્ર પટેલ, મુખ્યપ્રધાને નવનિર્મિત રખડતા ઢોર સંવર્ધન કેન્દ્રની મુલાકાત લીધી
આ મુલાકાત દરમિયાન ગ્યાસપુર ગામના આગેવાનોએ CM ભૂપેન્દ્ર પટેલને (CM Bhupendra Patel) પાઘડી પહેરાવીને સ્વાગત કર્યું હતુ.
Ahmedabad : અમદાવાદના ગ્યાસપુર ગામમાં (Gyasaur Village) નવનિર્મિત રખડતા ઢોર સર્વધન કેન્દ્રની મુખ્યપ્રધાન ભુપેન્દ્ર પટેલે(CM Bhpendra Patel) મુલાકાત લીધી. આ પ્રસંગે ભાજપ કિસાન મોર્ચા મહામંત્રી બળદેવજી ઠાકોર (Baldevji Thakor) પણ હાજર રહ્યા હતા. ગામની નાની બાળકીઓ દ્વારા મુખ્યપ્રધાન ભુપેન્દ્ર પટેલે તિલક કરીને આવકારવામાં આવ્યા હતા.તમને જણાવી દઈએ કે, આ કાર્યક્રમમાં રાઠવા સમાજના આગેવાનો પણ આ ઉપસ્થિત રહ્યા હતા.આ મુલાકાત દરમિયાન ગ્યાસપુર ગામના આગેવાનોએ CMને પાઘડી પહેરાવીને સ્વાગત કર્યું હતુ.
ચૂંટણી પહેલા RSS અને BJPની બેઠક
તમને જણાવી દઈએ કે, બુધવારે અમદાવાદ માં RSSના હેડગેવાર ભવન ખાતે સંઘ અને બીજેપી (BJP) ની વન ટુ વન બેઠક થઈ હતી. સૌરાષ્ટ્ર અને ગુજરાત પ્રાંતના સંઘચાલક, કાર્યવાહ અને પ્રાંત પ્રચારક હાજર રહ્યા હતા.બીજેપીના રાષ્ટ્રીય મહામંત્રી બી.એલ.સંતોષ સહિત પ્રદેશ સંગઠન મંત્રી રત્નાકર, તેમજ મુખ્યમંત્રી ભુપેન્દ્ર પટેલ અને ભાજપ પ્રદેશ અધ્યક્ષ સી.આર.પાટીલ પણ આ બેઠકમાં ઉપસ્થિત રહ્યા હતા.ગુજરાત વિધાનસભાની ચુંટણી નજીક આવી રહી છે ત્યારે અમદાવાદ ખાતે રાષ્ટ્રીય સ્વયંસેવક સંઘ અને ભારતીય જનતા પાર્ટીની બેઠક ખુબ જ મહત્ત્વની માનવામાં આવી રહી છે. આ બેઠકમાં મુખ્યપ્રધાન ભૂપેન્દ્ર પટેલ અને પ્રદેશ ભાજપ પ્રમુખ સી.આર. પાટીલ અને આરએસએસના ગુજરાતના આગેવાનો અને રાષ્ટ્રીય પદાધિકારીઓ ઉપસ્થિત રહ્યા હતા.
ગુજરાતમાં વિધાનસભાની ચુંટણી આવી રહી છે ભાજપ- કોંગ્રેસ સહિત તમામ રાજકિય પક્ષોમાં ગતિવિધિઓ તેજ થઇ રહી છે ત્યારે ભારતીય જનતા પાર્ટી અને રાષ્ટ્રીય સ્વયંસેવક સંઘની આ મહત્વની બેઠકમાં ચૂંટણીલક્ષી સંગઠનાત્મક કાર્યો અંગે પણ ચર્ચા કરી નિર્ણય લેવામાં આવ્યા હતા. વધુમાં વિધાનસભા સીટ વિસ્તાર પ્રમાણે વિસ્તારકોને જવાબદારી સોંપવા સહિતની કાર્યવાહી કરવામાં આવી હતી.
