GUJARAT : 24 કલાકમાં નવા 23 કેસ નોંધાયા, દૈનિક મૃત્યુઆંક શૂન્ય

રાજ્યમાં કોરોનાકાળ પૂર્ણતાને આરે છે.જોકે પાછલા 24 કલાકમાં કેસમાં આંશિક વધારો નોંધાયો છે. રાજ્યમાં 24 કલાકમાં નવા 23 કેસ નોંધાયા છે. જ્યારે દૈનિક મૃત્યુઆંક શૂન્ય નોંધાયો છે.

GUJARAT : રાજ્યમાં કોરોનાકાળ પૂર્ણતાને આરે છે.જોકે પાછલા 24 કલાકમાં કેસમાં આંશિક વધારો નોંધાયો છે. રાજ્યમાં 24 કલાકમાં નવા 23 કેસ નોંધાયા છે. જ્યારે દૈનિક મૃત્યુઆંક શૂન્ય નોંધાયો છે. રાજ્યમાં એક્ટિવ કેસની સંખ્યા ઘટીને 178 પર પહોંચી છે. જ્યારે વેન્ટિલેટર પરના દર્દીઓની સંખ્યા 7 થઇ છે. પાછલા 24 કલાકમાં 27 દર્દીઓ સાજા થયા. જ્યારે કુલ સાજા થનારા દર્દીઓની સંખ્યા 8.14 લાખ થઇ છે. તો સાજા થવાનો દર 98.76 પર પહોંચ્યો છે. રાજ્યના કુલ 24 જિલ્લા અને 5 મહાનગરોમાં શૂન્ય કેસ નોંધાયા. મહાનગરોની વાત કરીએ તો સૌથી વધુ અમદાવાદમાં 7 કેસ નોંધાયા. તો સુરતમાં 6 અને વડોદરામાં 5 કેસ નોંધાયા.

રસીકરણની વાત કરીએ તો, રાજ્યમાં પાછલા 24 કલાકમાં 5.97 લાખ લોકોનું રસીકરણ થયું છે. રાજ્યમાં સૌથી વધુ સુરતમાં 72 હજાર 776 લોકોનું રસીકરણ કરાયું. જ્યારે અમદાવાદમાં 58 હજાર 108 લોકોને રસી અપાઇ. આ તરફ વડોદરામાં 24 હજાર 825 અને રાજકોટમાં 24 હજાર 759 લોકોનું રસીકરણ કરાયું. આમ અત્યાર સુધી રાજ્યમાં કુલ 3 કરોડ 91 લાખ 88 હજાર લોકોને રસીનો ડોઝ આપી દેવાયો છે.

 

 

Click on your DTH Provider to Add TV9 Gujarati