Devbhumi Dwarka : મેઘરાજા મન મૂકીને વરસ્યા, 2 કલાકમાં 3 ઇંચ વરસાદ, ઠેર ઠેર પાણી જ પાણી

દેવભૂમિ દ્વારકા ( Devbhumi Dwarka ) જિલ્લામાં વરસાદની ફરી વાર એન્ટ્રી થઇ છે. ભાટિયાના ગોકલપર ગામમાં 2 કલાકમાં 3 ઇંચ વરસાદ વરસ્યો છે. જેના કારણે ઠેર ઠેર પાણી ભરાયા હતા.

Devbhumi Dwarka : હવામાન વિભાગની આગાહી મુજબ સૌરાષ્ટ્રમાં મેઘરાજા મન મૂકીને વરસી રહ્યા છે. નાગરિકો ગરમીથી ત્રાહિમામ પોકારી ગયા હતા ત્યારે જ વરસાદ વરસતા રાહતની લાગણી અનુભવી હતી.

દેવભૂમિ દ્વારકાના ભાટિયા, ગોકલપર ગામોમાં 2 કલાકમાં 3 ઇંચ વરસાદ પડયો હતો. ભારે વરસાદના કારણે ખેતરોમાં પાણી ભરાયા છે. વાવણી લાયક વરસાદથી ખેડૂતોમાં ખુશીનો માહોલ જોવા મળી રહ્યો છે. ભારે વરસાદના પગલે ગોકલપર સીમના ખેતરોમાં પાણી ભરાયા છે. ભાટિયામાં ધોધમાર વરસાદના પગલે ભોગાત ભાટીયા માર્ગ પર પાણી ફરી વળ્યાં છે. વાહન ચાલકોને અવરજવરમાં મુશ્કેલી પડી રહી છે.

કલ્યાણપુર પંથકમાં ધોધમાર વરસાદ વરસ્યો છે. લાંબા, ભોગાત, ગઢકા, પટેલકા, ખાખરડા, સહિતના ગામોમાં વરસાદ પડયો હતો. ભારે વરસાદના કારણે ખેતરો પાણીથી તરબોળ થયા હતા.

દ્વારકામાં વરસાદે તંત્રની પ્રિમોન્સૂન કામગીરીની પોલ ખોલી છે. દ્વારકામાં ખબકેલા 3 ઇંચ જેટલા વરસાદથી જનજીવનને અસર પહોંચી છે. ગાજવીજ સાથે વિજળી દ્વારકાધીશના શિખર ધ્વજ પર પડતા ધ્વજા ખંડિત થઈ હતી. કુદરતી આફતો વાવજોડા સહિતના સંકટોમાં દ્વારકાધીશ નગરજનોની રક્ષા કરતા હોવાની માન્યતાને વધુ વેગ મળ્યો છે.

  • Follow us on Facebook

Click on your DTH Provider to Add TV9 Gujarati