Dahod: લીમડીના અનેક સોસાયટીના રહીશો ત્રસ્ત, 20 વર્ષે પણ નથી મળી પ્રાથમિક સુવિધા

દાહોદના (Dahod) લીમડીમાં છેલ્લા 20 વર્ષથી અહીંના સ્થાનિકો ગંદકી વચ્ચે જીવવા મજબુર છે. અનેક વખત સ્થાનિકોએ લેખિત અને મૌખિક રજૂઆતો કરી હોવા છતા પણ શૂન્ય કામગીરી થઇ છે.

TV9 GUJARATI

| Edited By: Tanvi Soni

Jul 29, 2022 | 2:49 PM

દાહોદ (Dahod) જિલ્લાના સૌથી મોટા વેપારી મથક ગણાતા લીમડીમાં અનેક સોસાયટીઓના સ્થાનિકો પ્રાથમિક સુવિધાઓના (Primary facility) અભાવે ત્રસ્ત છે. વિવિધ સોસાયટીઓમાં પાયાની સુવિધા જેવી કે ગટર લાઈન, રોડ, રસ્તાનો અભાવ જોવા મળી રહ્યો છે. છેલ્લા 20 વર્ષથી અહીંના સ્થાનિકો ગંદકી વચ્ચે જીવવા મજબુર છે. અનેક વખત સ્થાનિકોએ લેખિત અને મૌખિક રજૂઆતો કરી હોવા છતા પણ શૂન્ય કામગીરી થઇ છે. ત્યારે સ્થાનિકોએ ગાંધીમાર્ગે આંદોલન (Protest) કરવાની ચીમકી ઉચ્ચારી છે.

સ્થાનિકોને રોગચાળો ફેલાવાની ભીતિ

દાહોદના ઝાલોદ તાલુકાનું વેપારી મથક મનાતું લીમડી નગરના સોસાયટી વિસ્તારોમાં પ્રાથમિક સુવિધાનો અભાવ જોવા મળી રહ્યો છે. અહીં સોસાયટી અસ્તિત્વમાં આવ્યાને 20 વર્ષ જેટલો સમય થયો હોવા છતા અહીંના લોકોને રસ્તા, પાણી કે ગટરની સુવિધા મળી નથી. સાથે ડ્રેનેજની સુવિધા ના હોવાથી ગંદકીનું સામ્રાજ્ય પણ ફેલાયું છે. હાલમાં ડેન્ગ્યૂ, મેલેરીયા, શરદી, તાવ તેમજ કોરાના પોઝિટિવના કેસો પહેલેથી જ વધી રહ્યા છે. ત્યારે અહીંની સોસાયટીના સ્થાનિકોને ગંદકીના પગલે રોગચાળો વધુ ફેલાવવાની ભીતિ છે. ત્યારે સ્થાનિક તંત્ર પાસે અહીંના રહીશો પ્રાથમિક સુવિધા ઉપલબ્ધ કરાવવાની માગ કરી રહ્યા છે.

ગાંધીચિંધ્યા માર્ગે આંદોલન કરવાની ચીમકી

સોસાયટીઓના રહીશો દ્વારા ગ્રામ પંચાયતથી માંડી ઉચ્ચ પોલીસને વારંવાર લેખિત મૌખિક રજુઆત કરવા છતાય પરિણામ શુન્ય જોવા મળી રહ્યુ છે. ત્યારે હવે આ અંગે અધિકારીઓ યોગ્ય નિરાકરણ ન લાવે તો આવનાર દિવસોમા સોસાયટીઓના રહીશો ગાંધીચિંધ્યા માર્ગે સત્યાગ્રહ કરશે

Follow us on

Click on your DTH Provider to Add TV9 Gujarati