Gujarat Election 2022 : દારૂ અંગે નિવેદન આપનાર દાંતાના ભાજપ ઉમેદવાર સામે ફરિયાદ, દોષિત ઠરશે તો ઉમેદવારી થશે રદ્દ !
ગુજરાત વિધાનસભા ચૂંટણી : ગુજરાત વિધાનસભાની ચૂંટણીમાં નેતાઓ મત માટે અનેક પ્રકારના હથકંડા અપનાવતા હોય છે. કોઈક સાડીની લહાણી કરે છે તો કોઈક ખાડીમાં તરીને મત માગવા જાય છે તો કોઈક દારૂ વેચવાના વચન આપે છે
ગુજરાત એસેમ્બલી ઈલેક્શન 2022 : બનાસકાંઠાના દાંતાના ભાજપ ઉમેદવાર લાધુ પારગી સામે પોલીસ ફરિયાદ નોંધાઈ છે. મતદારોને પ્રલોભન આપતા ચૂંટણી આદર્શ આચારસંહિતાના ભંગ બદલ ફરિયાદ થઈ છે. ‘દારૂ ખોળામાં નહીં ટોપલામાં વેચાવીશ’વાળા નિવેદનને લઈને ઉમેદવારનો વીડિયો વાયરલ થયો હતો. જેના પર દાંતાના મામલતદારે ઉમેદવાર લાધુ પારગી સામે પોલીસ ફરિયાદ કરી છે. લોકપ્રતિનિધિત્વ અધિનિયમ-1951 ની કલમ-123 (ખ) મુજબ ફરીયાદ દાખલ કરવામાં આવી છે. ઉમેદવાર દોષિત ઠરશે તો તેમની ઉમેદવારી પણ રદ થઈ શકે છે.
ગુજરાત ઈલેક્શન 2022 : ચૂંટણી જીત્યા પહેલા ભાજપના દાંતા બેઠકના ઉમેદવાર હવામાં !
બનાસકાંઠાની દાંતા બેઠકના ભાજપ ઉમેદવાર લાધુ પારગીનો એક વિવાદાસ્પદ વીડિયો વાયરલ થયો હતો. દાંતાના કોઈ ગામે ચૂંટણી પ્રચાર દમિયાન લાધુ પારગી ખુલ્લેઆમ દારૂ વેચાવવાનું વચન આપી રહ્યાં હતા. વાયરલ વીડિયોમાં લાધુ પારગીએ કહ્યું હતુ કે હું જીત્યા પછી મહિલાઓ ખોળામાં નહીં ટોપલામાં ખુલ્લેઆમ દારૂ વેચી શકશે.
ગુજરાત વિધાનસભાની ચૂંટણીમાં નેતાઓ મત માટે અનેક પ્રકારના હથકંડા અપનાવતા હોય છે. કોઈક સાડીની લ્હાણી કરે છે તો કોઈક ખાડીમાં તરીને મત માગવા જાય છે તો કોઈક દારૂ વેચવાના વચન આપે છે. બનાસકાંઠાના દાંતામાં ભાજપના કાર્યકરોનો યુવાનોને રૂપિયા આપતા હોવાનો પણ વીડિયો સામે આવ્યો છે. વીડિયો વાયરલ થતા રાજકારણ ગરમાયુ છે.
