ગુજરાતમાં ટેસ્લા મુદ્દે કેબિનેટ પ્રધાનનું નિવેદન, કહ્યું- ટેસ્લા સાથેની બિઝનેસ ડીલ પાઇપ લાઇનમાં

ગુજરાતમાં વર્ષ 2024ની સૌથી મોટી ઇવેન્ટ વાઇબ્રન્ટ ગુજરાત સમિટનું કાઉન્ટડાઉન શરૂ થઇ ગયું છે. 9 થી 12 જાન્યુઆરી સુધી વાઇબ્રન્ટ સમિટ યોજાવાની છે, ત્યારે આ વખતની સમિટમાં કુલ 32 દેશના પ્રતિનિધિઓ ભાગ લેશે. તો ટેસ્લા કંપનીના માલિક ઇલોન મસ્ક પણ આ સમિટમાં હાજરી આપશે, ત્યારે એવી પુરેપુરી શક્યતાઓ છે કે ઈલોન મસ્ક વાઈબ્રન્ટ ગુજરાતમાં સરકાર સાથે MOU કરી શકે છે અને રાજ્યમાં ટેસ્લાની સત્તાવાર એન્ટ્રી થઈ શકે છે.

આ બધી અટકળો વચ્ચે ટેસ્લાને લઇને હવે કેબિનેટ પ્રધાન બળવંતસિંહ રાજપૂતનું મહત્વનું નિવેદન સામે આવ્યું છે. બળવંતસિંહ રાજપૂતે જણાવ્યું છે કે, ટેસ્લા સાથેની બિઝનેસ ડીલ પાઇપ લાઇનમાં છે. આ પહેલા ઋષિકેશ પટેલે પણ નિવેદન આપ્યું હતું. તો ટેસ્લા કંપનીના માલિક ઇલોન મસ્ક ગુજરાતને લઇને આશાવાદી છે.

આ પણ વાંચો વાયબ્રન્ટ સમિટ પહેલા પીએમ મોદી અને UAEના પ્રેસિડેન્ટ અમદાવાદમાં કરશે રોડ શો, જુઓ વીડિયો