આનંદસાગર સ્વામીની વિવાદિત ટિપ્પણી મુદ્દે રાજકોટમાં વિરોધ પ્રદર્શન, બ્રહ્મસમાજના અગ્રણીઓએ નોંધાવી પોલીસ ફરિયાદ

આનંદસાગર સ્વામીએ (Anandsagar Swami) શિવ ભગવાનનું અપમાન થાય તેવુ નિવેદન આપતો એક વીડિયો વાયરલ થયો હતો. આ નિવેદનના કારણે ખૂબ જ વિવાદ સર્જાયો છે. સોમવારથી આ વીડિયો વાયરલ થયા બાદ આનંદસાગર સ્વામી વિરુદ્ધ કાર્યવાહી થાય તેવા સંકેતો મળી રહ્યા હતા. ત્યારે હવે રાજકોટ બ્રહ્મસમાજ દ્વારા આનંદસાગર સ્વામી વિરુદ્ધ પોલીસ ફરિયાદ દાખલ કરવામાં આવી છે. રાજકોટના (Rajkot) બ્રહ્મસમાજ દ્વારા આનંદ સ્વામીનો વિરોધ પણ કરવામાં આવ્યો છે.

પ્રબોધ સ્વામીના (Prabodh Swami) શિષ્ય આનંદસાગર સ્વામીએ ભગવાન શિવ પર આપેલા નિવેદનથી બહ્મસમાજમાં ઉગ્ર રોષ વ્યાપી ગયો છે. આનંદ સાગર સ્વામીએ શિવ ભગવાનનું અપમાન થાય તેવુ નિવેદન આપતો એક વીડિયો વાયરલ થયો હતો. આ નિવેદનના કારણે ખૂબ જ વિવાદ સર્જાયો હતો. તે દરમિયાન પ્રબોધ સ્વામી જુથના અગ્રણી સંતો દ્વારા આનંદ સાગર સ્વામીને માફી માગવા માટે કહેવામાં આવ્યુ હતુ. જે પછી આજે વહેલી સવારે આનંદ સ્વામીનો માફી માગતો વીડિયો મીડિયામાં જાહેર કરવામાં આવ્યો છે. આનંદ સાગર સ્વામી પોતાની ભુલ થઇ હોવાનું કહી તેમાં માફી માગતા દેખાય છે.

આનંદસાગર સ્વામીએ કહ્યું કે મારી ભૂલ થઈ છે, તમામ શિવ ભક્તોની માફી માગુ છું. સાથે જ દાવો કર્યો કે, પ્રબોધ સ્વામીએ મને તેજ સમયે શિક્ષા આપી દીધી હતી. શિબિર દરમિયાન મૌન અને 7 દિવસના ઉપવાસ આપ્યા છે. મહત્વનું છે કે દેવાધી દેવ મહાદેવનું અપમાન કરતો આનંદસાગર સ્વામીનો વીડિયો વાયરલ થયો હતો. જેમાં તેઓ દાવો કરે છે કે ખુદ ભગવાન શિવ પ્રબોધસ્વામીના દર્શન માટે આવ્યાં હતા. મહાદેવ પ્રબોધ સ્વામીના શિષ્યના ચરણસ્પર્શ કરીને જ પરત ફર્યાનો તેમણે દાવો કર્યો હતો.

જો કે આનંદ સાગર સ્વામીના માફી માગ્યા પછી પણ હજુ લોકોમાં રોષ જોવા મળી રહ્યો છે. રાજકોટમાં તો આનંદસાગર સ્વામી સામે વિરોધ જોવા મળી રહ્યો છે. બ્રહ્મસમાજના આગેવાનો દ્વારા રાજકોટમાં વિરોધ દર્શાવવામાં આવ્યો. એટલુ જ નહીં રાજકોટ બ્રહ્મસમાજ દ્વારા આનંદસાગર સ્વામી વિરુદ્ધ પોલીસ ફરિયાદ દાખલ કરવામાં આવી છે.