AHMEDABAD : ગૃહરાજ્યપ્રધાન હર્ષ સંઘવી ATSની મુલાકાતે, ATSના હથિયારો અને વાહનોની માહિતી મેળવી

ગૃહરાજ્યપ્રધાન બન્યા બાદ હર્ષ સંઘવીની ATSની ઓફિસે આ પ્રથમ મુલાકાત હતી. મુલાકાત સમયે રાજ્યના DGP , ATSના IG સહિતના અધિકારીઓ હાજર રહ્યા હતા.

AHMEDABAD : રાજ્યના નવા મુખ્યપ્રધાન ભુપેન્દ્ર પટેલના નવા પ્રધાનમંડળના પ્રધાનોએ ચાર્જ સાંભળી લીધો છે. હવે દરેક પ્રધાનોએ પોત પોતાના વિભાગોમાં કામો શરૂ કરી દીધા છે અને પોતાના વિભાગના કાર્યક્ષેત્રમાં આવતા પેટા વિભાગો અને વિવિધ સરકારી એકમોની મુલાકાત લઇ રહ્યાં છે. ત્યારે ગૃહરાજ્યપ્રધાન હર્ષ સંઘવીએ આજે ATSની મુલાકાત લીધી હતી. ગૃહરાજ્ય પ્રધાન બન્યા બાદ હર્ષ સંઘવીની ATSની ઓફિસે આ પ્રથમ મુલાકાત હતી. મુલાકાત સમયે રાજ્યના DGP , ATSના IG સહિતના અધિકારીઓ હાજર રહ્યા હતા. ગૃહરાજ્યપ્રધાન હર્ષ સંઘવીનું ગાર્ડ ઓફ ઓનરથી સ્વાગત કરવામાં આવ્યું હતું. ગૃહરાજ્યપ્રધાને ATSના હથિયારો અને વાહનો સહિતની બાબતો અંગે માહિતી મેલી હતી.

આ પહેલા ગઈકાલે રવિવારે ગૃહરાજ્યપ્રધાન હર્ષ સંઘવીએ ગૃહવિભાગની મુલાકાત લીધી હતી. 19 સપ્ટેમ્બરને રવિવારના દિવસે પણ તેઓ ગૃહ વિભાગની કામગીરીનું નિરિક્ષણ કરવા પહોંચ્યા હતા. હર્ષ સંઘવીએ ગૃહ વિભાગની ઓચિંતી મુલાકાત લીધી હતી. તે સમયે ગૃહ વિભાગના અધિક મુખ્ય સચિવ રાજીવ કુમાર ગુપ્તા અને રાજ્યના પોલીસ વડા આશિષ ભાટિયા પણ હાજર રહ્યાં હતા. ગૃહરાજ્યપ્રધાન હર્ષ સંઘવી પોલીસ વિભાગના અધિકારીઓ સાથે બેઠક યોજી રાજ્યમાં કાયદો અને વ્યવસ્થાની સ્થિતિ અંગે બેઠક કરી હતી અને ચર્ચા કરી હતી.

આ પણ વાંચો : આધુનિક સમાજમાં એકતા-સમાનતા માટે રામાનુજાચાર્યના વિચારો મહત્વપૂર્ણ: ત્રિદંડી ચિન્ના જીયાર સ્વામી

આ પણ વાંચો : છોટાઉદેપુરમાં સાર્વત્રિક મેઘ મહેર, અઢી ઇંચ વરસાદ પડતા જિલ્લાની સૌથી મોટી નદી ઓરસંગ નદી બે કાંઠે

Click on your DTH Provider to Add TV9 Gujarati