ગાંધીનગર મહાનગરપાલિકામાં વિજય બાદ સી.આર.પાટીલનો કટાક્ષ, કહ્યું ગાજ્યા મેઘ વરસ્યા નહિ
ભાજપના પ્રદેશ પ્રમુખ સીઆર પાટીલે આમ આદમી પાર્ટી પર કટાક્ષ કરતા કહ્યું કે- ગાજ્યા મેઘ વરસ્યા નહીં.. ગુજરાતમાં ત્રીજી પાર્ટીને કોઈ સ્થાન નથી.
ગાંધીનગર મહાનગરપાલિકાની(Gandhinagar Corporation)ચૂંટણીમાં ભાજપનો(BJP)ભવ્ય વિજય થયો છે. કમલમ ખાતે ભાજપે જીતનો જશ્ન મનાવ્યો હતો. સીએમ ભુપેન્દ્ર પટેલ(Bhupendra Patel)અને ભાજપના પ્રદેશ સી.આર.પાટીલ( CR Patil)પ્રમુખ કમલમ પહોંચ્યા હતા. જ્યાં તેમણે એકબીજાનું મોઢું મીઠુ કરાવીને જીતની ઉજવણી કરી. આ સમયે કમલમ ખાતે મોટી સંખ્યામાં ભાજપના નેતાઓ અને કાર્યકરો ઉમટી પડ્યા હતા.
ભાજપના પ્રદેશ પ્રમુખ સીઆર પાટીલે આમ આદમી પાર્ટી પર કટાક્ષ કરતા કહ્યું કે- ગાજ્યા મેઘ વરસ્યા નહીં.. ગુજરાતમાં ત્રીજી પાર્ટીને કોઈ સ્થાન નથી.. તેમણે ભાજપના કાર્યકરો સહિત તમામ હોદ્દેદારોનો આભાર માન્યો.. સીએમ ભુપેન્દ્ર પટેલે પણ સૌનો આભાર માન્યો અને લોકોએ મૂકેલા વિશ્વાસ પર ખરા ઉતરવાનો દાવો કર્યો…
આ પ્રસંગે ભાજપ પ્રદેશ પ્રમુખ સી.આર. પાટીલે તમામ કાર્યકરોનો આભાર માન્યો હતો. તેમજ ભાજપને મત આપીને વિજયી બનાવવા બદલ મતદારોનો આભાર માન્યો હતો. આ તકે તેમણે પીએમ મોદી અને ગૃહમંત્રી અમિત શાહનો પણ આભાર માન્યો હતો.
ઉલ્લેખનીય છે કે, ચૂંટણી પ્રચાર દરમિયાન આમ આદમી પાર્ટી, કોંગ્રેસ અને ભાજપે એડીચોટીનું જોર લગાવી દીધુ હતું. પરંતુ આજે જેમ-જેમ પરિણામ આવતા ગયા તેમ તેમ કોંગ્રેસનો રકાસ જોવા મળ્યો જ્યારે આમ આદમી પાર્ટીનું પણ સુરસુરિયું થઈ ગયું. ભાજપે ઇતિહાસ રચ્યો છે. 10 વર્ષમાં પહેલીવાર ભાજપે બહુમતી મેળવી છે.મોટાભાગના વોર્ડમાં ભાજપની આખેઆખી પેનલ જીતી છે.
આ પણ વાંચો : અમદાવાદની પેટાચૂંટણીમાં ભાજપનો ભગવો લહેરાયો, ચાંદખેડા-ઈસનપુર વોર્ડમાં ભાજપની જીત
આ પણ વાંચો: ખેડા જિલ્લાની તાલુકા પંચાયતની એક બેઠક પર આપના ઉમેદવારનો વિજય
