રાજ્યના 50 તાલુકામાં મેઘરાજાની ધમાકેદાર બેટિંગ, આ વિસ્તારમાં આજે સૌથી વધારે વરસાદ સાથે જળબંબાકાર

Rain in Gujarat : રાજ્યમાં છેલ્લા 12 કલાકમાં 50 તાલુકામાં વરસાદ જોવા મળ્યો. આજે રાજ્યમાં અલગ અલગ વિસ્તારોમાં 1 ઇંચથી પોણા પોણા આઠ ઇંચ સુધી વરસાદ પડ્યો છે.

TV9 Gujarati | Edited By: Gautam Prajapati | Updated on: Sep 23, 2021 | 11:09 PM

GANDHINAGAR : રાજ્યમાં હાલ ચોમાસું સક્રિય છે અને બીજા રાઉન્ડમાં મેઘરાજા ધુંવાધાર બેટિંગ કરી રહ્યાં છે. આજે 23 સપ્ટેમ્બરે રાજ્યમાં આજે 50 તાલુકામાં આજે વરસાદ વરસ્યો છે. આ તાલુકાઓમાં 1 ઇંચથી પોણા પોણા આઠ ઇંચ સુધી વરસાદ પડ્યો છે.

સૌથી વધુ વરસાદ જામનગરના જોડીયામાં જોવા મળ્યો. અહિયાં પોણા આંઠ ઇંચ વરસાદ વરસતા વિસ્તારમાં ખુબ પાણી ભર્યા. તો બીજી તરફ કચ્છના નખત્રાણામાં 4 ઇંચ વરસાદ થયો. તો સુરતના ઉમરપાડામાં 3 ઇંચ વરસાદ નોંધાયો છે. વલસાડમાં પણ મેઘરાજાએ ધમાકેદાર બેટિંગ કરી. વલસાડના કપરાડામાં પણ પોણા ત્રણ ઇંચ વરસાદ વરસતા જળબંબાકારની સ્થિતિ ઉભી થઇ છે.

રાજ્યમાં અવિરત મેઘ મહેર યથાવત છે. અને મેઘરાજા મન મુકીને વરસી રહ્યા છે. સુરતમાં વહેલી સવારથી મેઘરાજાએ ધમાકેદાર એન્ટ્રી કરી. અને શહેરને પાણી પાણી કરી દીધું. તો આ તરફ અમદાવાદના વિરમગામ, માંડલ પંથકમાં પણ મેઘ મહેર જોવા મળી. તો ભરૂચમાં ધોધમાર વરસાદ વરસ્યો અને ભારે વરસાદને પગલે ભરૂચના બજારોમાં નદીઓ વહેલા માંડી. તો કેટલાક લોકો પાણીમાં તણાયા. આ તરફ કચ્છમાં પણ મેઘાએ જોરદાર બેટિંગ કરી., અને રાપર તથા નખત્રાણામાં જળબંબાકારની સ્થિતિ સર્જાઇ. તો દાહોદના ગ્રામ્ય વિસ્તારોમાં ભારે વરસાદના સમાચાર છે.

આ પણ વાંચો: રાજ્યમાં રોડના ખાડાને લઈને માત્ર 12 કલાકમાં આવી અધધધ ફરિયાદ, આંકડો જાણીને આવી જશે ચક્કર

આ પણ વાંચો: Ahmedabad: 214 શાળાઓને ક્લોઝર નોટિસ મળતા દોડતા થયા સંચાલકો, આટલી શાળાએ મેળવી ફાયર NOC