OMICRON : ગુજરાતમાં ઓમિક્રોનના નવા 23 કેસ સાથે રાજ્યમાં કુલ 136 કેસો થયા
OMICRON IN GUJARAT : રાજ્યમાં આજે નોંધાયેલા નવા 23 કેસો સાથે ઓમિક્રોનના કુલ કેસની સંખ્યા 136 થઇ છે, જેમાંથી અત્યાર સુધીમાં 65 દર્દીઓ રીકવર થયા છે.
રાજ્યમાં અત્યાર સુધીમાં અમદાવાદ શહેરમાં સૌથી વધુ 50 ઓમિક્રોન કેસ નોંધાયા છે.
GANDHINAGAR : ગુજરાતમાં શનિવારે કોવિડ-19ના ઓમિક્રોન (OMICRON)વેરિઅન્ટના 23 નવા કેસ નોંધાયા છે, જેનાથી રાજ્યમાં આવા કેસની સંખ્યા 136 થઈ ગઈ છે. ગઈકાલે ૩૧ ડિસેમ્બરે રાજ્યમાં ઓમિક્રોનના 16 કેસ નોંધાયા હતા. આજે 1 જાન્યુઆરીએ એકલા અમદાવાદ શહેરમાં 11 નવા ઓમિક્રોન કેસ, સુરતમાં 4, વડોદરા, આણંદ અને કચ્છમાં 2-2 અને ખેડા અને રાજકોટમાં 1-1 કેસ નોંધાયા છે.આમાંથી માત્ર 12 દર્દીઓ વિદેશથી આવેલા છે, બાકીના તમામની ટ્રાવેલ હિસ્ટ્રી નથી.
રાજ્યમાં અત્યાર સુધીમાં અમદાવાદ શહેરમાં સૌથી વધુ 50 ઓમિક્રોન કેસ નોંધાયા છે, ત્યારબાદ વડોદરામાં 23, સુરતમાં 16 અને આણંદમાં 13 કેસ નોંધાયા છે.
રાજ્યમાં આજે ઓમિક્રોનના 23 નવા કેસોની વિગત આ મૂજબ છે :
1) અમદાવાદ શહેરમાં 6 પુરુષ અને 5 સ્ત્રી એમ 11 ઓમિક્રોન કેસ નોંધાયા, જેમાંથી 6 દર્દી વિદેશથી આવેલા છે, જયારે 5 દર્દીની ટ્રાવેલ હિસ્ટ્રી નથી.
2) સુરત શહેરમાં 2 પુરુષ અને 2 સ્ત્રી એમ 4 ઓમિક્રોન કેસ નોંધાયા છે, જેમાંથી 3 દર્દીઓ વિદેશથી આવ્યાં છે જયારે 1 કેસની ટ્રાવેલ હિસ્ટ્રી નથી.
3) આણંદમાં 2 સ્ત્રી ઓમિક્રોન સંક્રમિત થઇ છે, જેમાંથી એક સ્ત્રી વિદેશથી આવેલી, જયારે અન્ય એકની ટ્રાવેલ હિસ્ટ્રી નથી.
4) વડોદરા શહેરમાં 2 કેસ નોંધાયા છે, આ બંનેની ટ્રાવેલ હિસ્ટ્રી નથી.
5) કચ્છમાં 2 સ્ત્રી ઓમિક્રોન સંક્રમિત થઇ છે, જેમાંથી એક સ્ત્રી વિદેશથી આવેલી, જયારે અન્ય એકની ટ્રાવેલ હિસ્ટ્રી નથી.
6) ખેડા જિલ્લામાં 1 પુરુષ ઓમિક્રોન સંક્રમિત થયો છે, જેની ટ્રાવેલ હિસ્ટ્રી નથી.
7) રાજકોટમાં વિદેશથી આવેલ એક પુરુષ ઓમિક્રોન સંક્રમિત થયો છે.
રાજ્યમાં આજે નોંધાયેલા નવા 23 કેસો સાથે ઓમિક્રોનના કુલ કેસની સંખ્યા 136 થઇ છે, જેમાંથી અત્યાર સુધીમાં 65 દર્દીઓ રીકવર થયા છે.
