Gujarat Local Body Polls 2021 : નર્મદામાં ઉંમરની સદી વટાવી ચૂકેલા મતદારોની સંખ્યા 100ને પાર

Gujarat Local Body Polls 2021 : સ્થાનિક સ્વરાજની ચૂંટણી માટે મતદાન યોજાશે ત્યારે નર્મદા જિલ્લામાં ઉંમરની સદી વટાવી ચૂકેલા મતદારોની સંખ્યા 100ને પાર પહોંચી છે. મહત્વપૂર્ણ છે કે જાગૃત મતદારોના કારણે ભૂતકાળમાં લોકસભા અને વિધાનસભાની ચૂંટણીમાં નર્મદા જિલ્લો મતદાનની ટકાવારીમાં મોખરે રહ્યો છે, જેમાં વૃદ્ધ મતદારોની જાગૃતતાનો સિંહ ફાળો રહેલો છે. સ્થાનિક સ્વરાજની ચૂંટણી માટે 28મીએ મતદાન યોજાશે, ત્યારે ચૂંટણી વિભાગ દ્વારા જાહેર કરાયેલી મતદાર યાદીમાં નર્મદા જિલ્લામાં 100ની વય વટાવી ચૂકેલા 105 જેટલા મતદારો નોંધાયા છે. જેમાં રાજપીપલામાં 8, નાંદોદમાં 14, ગરૂડેશ્વરમાં 14, તિલકવાડામાં 6, દેડિયાપાડામાં 45 અને સાગબારાના 18 મતદારોનો સમાવેશ થાય છે. આ એવા મતદારો છે જેઓએ આજદીન સુધી મતદાનનો એક પણ મોકો જતો નથી કર્યો. આવા જ જાગૃત મતદારોના પગલે ભારતની લોકશાહી આજે પણ ટકી રહી છે.