કોરોનાની ગંભીર પરિસ્થિતિ વચ્ચે આજે GPSC વર્ગ 1 અને વર્ગ 2ની પરીક્ષા

એક તરફ કોરોનાના કેસ વધી રહ્યાં છે, પરંતુ બીજી તરફ સાવચેતી સાથે આજે GPSC વર્ગ 1 અને વર્ગ 2ની પરીક્ષા યોજાઈ. સુરતની વાત કરીએ તો 13 હજાર 696 વિદ્યાર્થીઓ પરીક્ષા આપી રહ્યાં છે. 46 શાળાઓમાં 581 બ્લોકમાં પરીક્ષા યોજાઈ હતી. સવારે 10 વાગ્યે પ્રથમ પરીક્ષા યોજાઈ, તો બપોરે 3 થી 6 વાગ્યા સુધી બીજી પરીક્ષા લેવાશે. શહેરમાં કોરોનાના કેસ વધારે હોવાથી સીટી બસ બંધ હોવાથી પરીક્ષાર્થીઓને હાલાકી પડી છે, જો કે સંક્રમણના ડર વચ્ચે પણ પરીક્ષાર્થીઓ પરીક્ષા આપી રહ્યાં છે.