કઠપુતળીનું સાથિયા ગીત રિલીઝ થયું ,ચાહકોને અક્ષય-રકુલપ્રીતની કેમેસ્ટ્રી પસંદ આવી

Akshay Kumar Movies: અક્ષય કુમારે (Akshay Kumar) આ વર્ષે પોતાની બ્લોકબસ્ટર ફિલ્મોથી બોલિવૂડમાં ખળભળાટ મચાવ્યો છે. જે પછી કલાકારો હવે OTT પર પણ કબ્જો કરવા માટે તૈયારી કરી રહ્યા છે. હાલમાં જ બોલિવૂડ એક્ટ્રેસ રકુલપ્રીત સિંહ  (Rakulpreet Singh) સાથેની ફિલ્મ કઠપુતળીનું ગીત રિલીઝ થયું છે. આ ગીતે રિલીઝ થતાની સાથે જ સોશિયલ મીડિયા પર ધૂમ મચાવી દીધી છે. ગીતમાં બંને રોમાન્સ કરતા જોવા મળી રહ્યા છે. આ સાથે રકુલપ્રીત અને અક્ષયની કેમેસ્ટ્રી જોવા માટે જે લોકો રાહ જોઈ રહ્યા હતા તે સમય હવે પૂર્ણ થઈ ગયો છે. આ ગીતને અત્યાર સુધીમાં લાખો વ્યુઝ મળી ચૂક્યા છે.

કઠપુતળી ફિલ્મમાં અક્ષય કુમાર એકદમ અલગ અંદાજમાં જોવા મળશે. અક્ષય પોલીસની ભૂમિકામાં જોવા મળશે. ફિલ્મની સ્ટોરી એક પોલીસની છે જે ગુનેગારોને પકડવા માટે દરેક હદ પાર કરવા તૈયાર હોય છે. ફિલ્મના ટ્રેલરમાં દેખાડવામાં આવેલા એક દ્રશ્યમાં અક્ષય એક રૂમમાં ખૂબ જ ગંભીર મૂડમાં જોવા મળે છે. હંમેશની જેમ, અક્ષય ફરી એકવાર તેના રોલને અલગ ટચ આપી રહ્યો છે.

અક્ષય અને રકુલપ્રીતની કેમેસ્ટ્રી જુઓ

સાથે જ સાથિયા ગીતની વાત કરવામાં આવે તો લોકો બંનેની જોડીને ખૂબ પસંદ કરી રહ્યા છે. હંમેશની જેમ જ્યાં અક્ષય એવરગ્રીન જોવા મળે છે. રકુલપ્રીત પણ ખૂબ જ સુંદર લાગી રહી છે. 3 મિનિટ 42 સેકન્ડના આ ગીતમાં ઘણા શોટ્સ લેવામાં આવ્યા છે. જેમાં ક્યાંક બંને રોમાન્સ કરતા જોવા મળે છે તો ક્યાંક ડાન્સ કરતા જોવા મળે છે.

OTT પર રિલીઝ થશે ‘ કઠપુતળી’

અક્ષય કુમાર અને રકુલપ્રીતની ફિલ્મ કઠપુતળી થિયેટરોમાં નહીં, પરંતુ OTT પ્લેટફોર્મ Disney + Hotstar પર સ્ટ્રીમ થશે. આ પહેલા અક્ષયની કોઈ પણ ફિલ્મ માત્ર OTT પર જ રિલીઝ થઈ નથી. આ ફિલ્મ 2 સપ્ટેમ્બર 2022ના રોજ OTT પર રિલીઝ થશે. તેમજ ફિલ્મની સ્ટોરી કસૌલી શહેરની છે. આ વર્ષે સિનેમાઘરોમાં રિલીઝ થયેલી અક્ષયની એક પણ ફિલ્મ કમાલનું પ્રદર્શન કરી શકી નથી. આવી સ્થિતિમાં અભિનેતાની ફિલ્મ OTT પર કેવું પ્રદર્શન કરે છે તે જોવું રસપ્રદ રહેશે.