Vadodara: દર્દીઓને મોટી રાહત, વેઈટિંગમાં રહેતા દર્દીઓ માટે ગોત્રી હોસ્પિટલમાં જ 250 બેડનો ડોમ તૈયાર કરાયો

જે દર્દીઓને હોસ્પિટલમાં બેડ ખાલી ન હોવાથી બહાર તડકે વેઈટિંગમાં લાગવું પડતું હતું તેમને અહીં બેડ પર જરૂરી સારવાર પણ મળી જશે. સારવારના અભાવે કોઈ વ્યક્તિનો જીવ ન જાય તે માટે આ પ્રયાસ કરાયો છે.

  • TV9 Webdesk13
  • Published On - 18:30 PM, 1 May 2021

વડોદરામાં કોરોના દર્દીઓને વેઈટિંગ દરમિયાન હાલાકી વેઠવી ન પડે તે માટે ડોમ તૈયાર કરી દેવાયો છે. ગોત્રી કોવિડ હોસ્પિટલમાં માત્ર 4 દિવસમાં 250 બેડ સાથેનો આ ડોમ તૈયાર કરાયો છે. જેમા OPD, ટ્રાઈ એજ એરિયાનો પણ સમાવેશ થાય છે. આ ઉપરાંત અહીં 240 ઓક્સિજન પોઈન્ટ પણ નાખવામાં આવશે. એટલે કે હવે જે દર્દીઓને હોસ્પિટલમાં બેડ ખાલી ન હોવાથી બહાર તડકે વેઈટિંગમાં લાગવું પડતું હતું તેમને અહીં બેડ પર જરૂરી સારવાર પણ મળી જશે. સારવારના અભાવે કોઈ વ્યક્તિનો જીવ ન જાય તે માટે આ પ્રયાસ કરાયો છે.